Ɛfɛsikalu 1:7 - Ala Ya Salatikan Kula Kitabu

⁷ Mɔ do kunmakanin a jeli bɔnko le fɛ, ani maa hakɛlu lɔ vɛ koto ka bɛn aa nɛɛma dafanin ne ma,

Ɛfɛsikalu 1:7 Iomraidhean Croise

Matiyu 20:28

Wo boloɲa kelen ma, Mɔɔnivin Tanin gbu ma na fɔsa mɔɔlu yi kɛ aa bɔiden ne, mafɔ ale yi kɛ aiya bɔiden ne le, ani ka a nunakili di ka kɛ mɔɔ siyama kunmaka sala le.»

Matiyu 26:28

Ǹ jeli le min ne, salatikan jeli, min bɔnnin mɔɔ siyama yɛ aiya julumbulu lɔkotoko lɔ.

Matiyu 6:12

I yi maa koyonnu lɔkoto, iwo ǹu fana vɛ mɔɔlu makoto teme, minu na koyon kɛla mɔ la.

Malɛkɛ 14:24

A do vɛɛ ai yɛ: «Ǹ jeli le min ne, salatikan jeli, min bɔnnin mɔɔ siyama yɛ.

Luka 1:77

fɔsa i y'aa mɔɔlu lalɔnni kisiko la, aiya julumbulu lɔkotoko sabu la.

Luka 24:47

ani aa samakan ka bɛn mɔɔlu dajoo mafalinko ma aiya julumbulu lɔkotoko lɔ, wo la ka kan ka se siboloma bɛ ma a tɔɔ lɔ, ka damina Jelusalɛmu ma.

Yohana 20:23

Ni ài ka mɔɔ min ya julumbulu lɔkoto, wolu lɔ yi kotole. Kɛɛ ni ài do ma mɔɔ min ya julumbulu lɔkoto, wolu lɔ tɛ koto.»

Kɛkolu 10:43

Seleya dinin ka bɛn a ma kelalu bɛ bolo, ko ni mɔɔ mɔɔ ka limaniya a ma, wo tii ya julumbulu lɔ yi kotole a tɔɔ sabu la.»

Kɛkolu 2:38

Piyɛli do vɛɛ ai yɛ: «Ài y'ài dajoo mafalin, ado ài kelenkelenna bɛ yi makoli sɔlɔn Masa Tɔɔmasenin Isa tɔɔ lɔ, fɔsa àiya julumbulu lɔ yi koto. Wo vɛ kɛla, ài kɛtɔ Ala ya sɔli sɔlɔnna, min kɛnin Nii Sɛnɛyanin ne.

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Kɛkolu 3:19

Wo lɔ saa, ài y'ài dajoo mafalin, k'ài fannɔsei Ala ma, fɔsa àiya julumbulu yi bɔ ài ma.

Lɔmukalu 2:4

Niwotɛ, i jɔyine Ala ya ɲumaya ba ma, ani aa sɔniyali ni aa sawali? Jalasa i m'a lɔn ko Ala ya ɲumaya le ka kan ka kɛ sabu le i i jɛlɛ lasei a ma?

Lɔmukalu 3:24

bɛ do vɛ jate telenmande le aa nɛɛma dinin sabu la ka bɛn kunmakako ma, Masa Tɔɔmasenin Isa nanin min ne.

Lɔmukalu 3:25

Ala na ale le bɔla julumbu lɔkoto salaka le ka bɛn a jeli bɔnko ma, min yi se sɔlɔnna limaniya boloma. Wo ka kɛ Ala ya telenmandeya jiyako le lɔ, kamasɔlɔn kɔlɔkɔlɔ le, a tɛɛ a ɲa lagbanna mɔɔlu ya julumbulu kunna ka bɛn aa sawali ma.

Lɔmukalu 9:23

A na wo kɛla fɔsa a aa magbiliyali wala jate jiya dɔ mɔɔlu la, a na henala minu la k'ai lɔbɛn magbiliyali sɔlɔnko lɔ ka ta waate jaan ma.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

2 Kolɛntikalu 8:9

Kamasɔlɔn ài ka mɔ Tii Masa Tɔɔmasenin Isa ya nɛɛma lɔn. Hali a tɛɛ banaya lɔ, kɛɛ a k'a jɛlɛ kɛ bolokolon ne ka bɛn àiya ko le ma, fɔsa ài yi kɛ bana le aa bolokolonya fɛ.

Ɛfɛsikalu 1:14

wo min kɛnin tɔima le mɔ yɛ, haan fɔɔ Ala v'a jɛlɛkanu mɔɔlu kunmakala lon min na, ka balayi di mɔ ma, a na min ladalola mɔ yɛ, fɔsa m'a tanu aa magbiliyali lɔ.

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 1:6

A na wo kɛla fɔsa m'i Ala tanu ka bɛn aa nɛɛma makawanin ma, a na mɔ sɔla min sɔ a diyanan Denkɛ sabu la.

Ɛfɛsikalu 1:8

a na mɔ sɔla min sɔ bɛlɛbɛlɛ kɛ. Ala do vɛ lɔnni ni hangilimaya suu bɛ di mɔ ma,

Ɛfɛsikalu 2:4

Kɛɛ wo bɛ n'a kɛ, Ala min ya henandeya walanin, a na kanundeya ba le jiyala mɔ la.

Ɛfɛsikalu 2:7

A vɛ ɲumaya min jiya mɔ la Masa Tɔɔmasenin Isa fɛ, fɔsa waate natɔlu lɔ mɔɔlu y'a lɔn ko aa nɛɛma buɲayine bubale.

Ɛfɛsikalu 3:16

Ǹ'i Ala dalila a ài sɛmɛdon a Nii Sɛnɛyanin sabu la, ka bɛn aa magbiliyali nɔɔlɔnilu ma,

Ɛfɛsikalu 3:8

Hali ǹ ka kɛ muminin bɛ lɔ dɔɔmandani le, Ala na baale min kalifala ǹ na aa nɛɛma lɔ, fɔsa ǹ'i siboloma gbɛlɛ mɔɔlu kawani ka bɛn Masa Tɔɔmasenin ya nafolo banbalilu ma.

Filipikalu 4:19

Ado ǹ Tii Ala kɛtɔ ài mako bɛ laɲiala ka bɛn aa nafolotiiya dafanin ma Masa Tɔɔmasenin Isa ya kafonɲɔɔya lɔ.

Kɔlɔsikalu 1:14

wo min na mɔ kunmakala ka maa julumbulu lɔkoto.

Kɔlɔsikalu 1:27

Ala n'a jatesiila ko k'ai lalɔnni gbonoko wo la, min do makawanin ka gbiliya dunuɲa siboloma bɛ ɲakɔlɔ. Gbonoko wo le min ne: Masa Tɔɔmasenin y'ài josokun nɔ, ale min àiya nɔɔlɔ sɔlɔnko jeisii le.

Kɔlɔsikalu 2:13

Waate lɔ, ài sayine tɛɛ ka bɛn àiya julumbulu ma, ani ài dajoo kɔlɔlu, ài tɛɛ minu la àiya kɛnɛkɛbaliya waate lɔ. Kɛɛ tandainɔ, Ala vɛ niimaya di àilu ni Masa Tɔɔmasenin ma kelen ne, ka maa julumbulu lɔkoto.

Kɔlɔsikalu 2:2

Ǹ'i wo sɛɛ le la fɔsa ai sɛmɛ yi don, ani ai yi bɛn a lɔ kanundeya boloma, ka lɔnni dafanin sɔlɔn hangilimaya boloma fɔsa ai yi Ala ya gbonoko lɔn, min taanin kɛla Masa Tɔɔmasenin gbu le,

1 Timote 2:6

min n'a jɛlɛ bɔla salaka le ka bɛn mɔɔ bɛ kunmakako ma, min seleya dinin a waate bɛlɛ lɔ.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Tite 3:6

Ala ka mɔ sɔ Nii Sɛnɛyanin sɔ bɛlɛbɛlɛ kɛ mɔ Lakisiba Masa Tɔɔmasenin Isa sabu la,

Hebululu 9:22

Wo lɔ, ka bɛn seliya ma, faida fen bɛ la yi sɛnɛyala jeli le le, ado julumbu lɔ tɛ se kotola ni jeli ma bɔn.

1 Piyɛli 2:24

Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

1 Yohana 2:12

Dennilu, ǹ'i min sɛvɛla àilu le ma, kamasɔlɔn àiya julumbulu lɔ vɛ koto ka bɛn Isa tɔɔ ma.

1 Yohana 2:2

Ale le na kɛla julumbu lɔkoto salaka le mɔ yɛ. A do ma dan maa julumbulu ma dein, mafɔ dunuɲamɔɔlu bɛ ta.

1 Yohana 4:10

Kanundeya bɛlɛbɛlɛ le min ne: A tɛ k'a fɔ ko mɔ na Ala kanula, kɛɛ ale le na mɔ kanula ka a Denkɛ lana, k'a kɛ maa julumbulu lɔkoto salaka le.

Ko Lankɛnɛmayanin 14:4

Wolu le tɛɛ ma ai jɛlɛ lakɔsɔ mosolu fɛ, kamasɔlɔn ai tɛɛ m'i la moso fɛ tuun. Saa Bolan vɛ taala tɛɛ o tɛɛ lɔ, mɔɔ wolu yi bilala a kɔ. Wolu kunma tɛɛ vɛ ka ka bɔ adamadennu tɛma, iwo sɛnɛfenden kunfɔlɔ min yi niila Ala ni Saa Bolan ma.

Ko Lankɛnɛmayanin 5:9

Ai do vɛ baiti kula dɔ lala, ai vɛɛ: «Ka kafa mina, ani k'a tɔɔmaselu bɔ a ma, ile ni wo kaanyine. Kamasɔlɔn i kannatɛɛyine tɛɛ, ado ka bɛn i jeli bɔnko ma, i vɛ mɔɔlu kunmaka Ala yɛ, ka bɔ dunuɲa kabila bɛ lɔ, ani kan bɛ, ani siboloma bɛ, ani jamana bɛ.