Ɛfɛsikalu 1:6 - Ala Ya Salatikan Kula Kitabu

⁶ A na wo kɛla fɔsa m'i Ala tanu ka bɛn aa nɛɛma makawanin ma, a na mɔ sɔla min sɔ a diyanan Denkɛ sabu la.

Ɛfɛsikalu 1:6 Iomraidhean Croise

Matiyu 17:5

Piyɛli ka to kumala, sanbiliya mɛnɛnnin ka na ka bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale. Ài y'ài tolomalɔ a la.»

Matiyu 20:9

Mɔɔ minu ka na baalekɛya lɔ wulala, wolu ka na ka wɔligbɛ gbana kelen kelen ne sɔlɔn.

Matiyu 3:17

Kumakan dɔ ka bɔ sangbolo lɔ, a vɛɛ: «Ǹ diyanan Denkɛ le ne. A do vɛ ǹ kɔnɔlɔdiya bubale.»

Luka 2:14

«Magbiliyali yi Ala yɛ sangbolo dingila kɔlɔtanin nɔ, ani josolajii yi kɛ duukolo kɔkan a diyananmɔɔlu yɛ.»

Yohana 10:17

«Ǹ Fa yi ǹ kanula, kamasɔlɔn ǹ'i ǹ nii dila fɔsa ǹ'a sɔlɔn kɔtunun.

Yohana 3:35

Fa y'a Denkɛ kanula. A do vɛ fen bɛ bila a fanga kɔlɔ.

Lɔmukalu 8:1

Wo lɔ saa, jobaliyako tɛ mɔɔlu ma butu, minu yi Masa Tɔɔmasenin Isa ya kafonɲɔɔya lɔ.

2 Kolɛntikalu 4:15

Tuɲa le, ko wo bɛ yi mɔ masɔlɔnna àiya ko le lɔ, fɔsa Ala ya nɛɛma la vɛ sena mɔɔ jilika jilika ma, ai yi balika bɔ Ala yɛ a magbiliyako lɔ.

2 Kolɛntikalu 5:21

Masa Tɔɔmasenin ma julumbu foi ta, kɛɛ Ala na maa julumbu doni lala ale le kun, fɔsa m'i kɛ telenmande le Ala ɲakɔlɔ aa kafonɲɔɔya lɔ.

Ɛfɛsikalu 1:12

fɔsa ǹu minu na Masa Tɔɔmasenin kɛla mɔ jeisii le kunfɔlɔ le, m'i Ala tanu aa magbiliyali lɔ.

Ɛfɛsikalu 1:14

wo min kɛnin tɔima le mɔ yɛ, haan fɔɔ Ala v'a jɛlɛkanu mɔɔlu kunmakala lon min na, ka balayi di mɔ ma, a na min ladalola mɔ yɛ, fɔsa m'a tanu aa magbiliyali lɔ.

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 2:7

A vɛ ɲumaya min jiya mɔ la Masa Tɔɔmasenin Isa fɛ, fɔsa waate natɔlu lɔ mɔɔlu y'a lɔn ko aa nɛɛma buɲayine bubale.

Filipikalu 1:11

k'ài dafa telenmandeya tɔnɔ la min yi nala Masa Tɔɔmasenin Isa fɛ, fɔsa buɲali ni tanuli yi kɛ Ala yɛ.

Filipikalu 3:9

ka ǹ kafonnin to a kɔkan. Ǹ tɛ m̀ bolomalala ǹe gbu ya telenmandeya ma min yi sɔlɔnna seliya latelenko fɛ, mafɔ m̀'ɛ a dɔgbɛlɛ sɔlɔn min yi nala limaniya fɛ Masa Tɔɔmasenin ma, wo le Ala ya telenmandeya le min jusiinin limaniya kɔkan.

Filipikalu 4:19

Ado ǹ Tii Ala kɛtɔ ài mako bɛ laɲiala ka bɛn aa nafolotiiya dafanin ma Masa Tɔɔmasenin Isa ya kafonɲɔɔya lɔ.

Kɔlɔsikalu 1:13

Ale le na mɔ lakisila ka mɔ bɔ divi ya seetiiya kɔlɔ ka mɔ ladon a diyanan Denkɛ ya masaya lɔ,

1 Piyɛli 2:5

Àilu fana kɛyine iwo kawakulun niimalu, Ala yi minu siisiila i ɲɔɔ kɔkan k'a kɛ a ta bon ne, ani Nii Sɛnɛyanin makɛya. Ala ya bon wo kɔnɔ, ài kɛtɔ kɛla salakalaseba sɛnɛyanin ne le, fɔsa ài yi kɛ Ala ladiyanan salakalu lasena a ma ka bɔ ài josokun nɔ Masa Tɔɔmasenin Isa sabu la.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

1 Piyɛli 4:11

Mɔɔ min yi kawanili kɛla, fɔ wo tii y'a kɛ iwo a yi Ala gbu le kumakannu lasena. Mɔɔ min do yi madɛmɛli kɛla, fɔ wo tii y'a kɛ ka bɛn fanga ma min dinin a ma Ala bolo, fɔsa Ala yi magbiliyali sɔlɔn ko bɛ lɔ Masa Tɔɔmasenin Isa sabu la, magbiliyali ni seetiiya yi min ta le waate bɛ ani habadan. Amiina!