1 Timote 4:2 - Ala Ya Salatikan Kula Kitabu

² Ai do la kɛtɔ filila wunafalilu ya filangafoya bolo, minu josokun ma vɛ kɛ tindilin iwo a mabulanin vɛ nɛɛ gbanin bolo.

1 Timote 4:2 Iomraidhean Croise

Ɛfɛsikalu 4:19

Maloya den kelen tɛ ai la butu. Ai do vɛ ai jɛlɛ bila manamanakolu lɔ, ka kokɔsɔnin suu bɛ dɔ kɛ dannatimin boloma.

Lɔmukalu 16:18

Mɔɔ suu wolu tɛ baalela mɔ Tii Masa Tɔɔmasenin yɛ, mafɔ ai kɔnɔgbolo. Ai do yi kuma madiyanin ne fɔla ka mɔɔlu matɔɔ fuun fɔsa ai yi koɲayebalilu manɛɛ.

Kɛkolu 20:30

Tuɲa le, a dɔlu kɛtɔ ai wulila àilu gbu tɛma ka tuɲa jɛlɛma, fɔsa ai yi Isa kɔbiladennu masama ka wolu bila ai kɔ.

Ko Lankɛnɛmayanin 16:14

Jina nii le wolu le, minu yi kawanankolu kɛla, ai vɛ taala masakɛlu fɛlɔ dunuɲa muumɛ kɔnɔ, fɔsa ai y'ai ladɛn kɛlɛkɛko lɔ Seebɛtii Ala ya lonba lon na.

2 Timote 3:5

Ai do kɛtɔ ai jɛlɛ kɛla mɔɔlu ɲana iwo Alaɲasiyanɲɛmɔɔ, k'a talan ai v'i ban Ala fanga lɔ. I i majaan mɔɔ kaija wolu la feu.

Lɔmukalu 1:28

Komi ai ma Ala lɔnko ta ko sɔvɛ le, wo le k'a kɛ, Ala k'ai bila ai jɛlɛ ma ai miliya kolonnu kɔ, fɔsa ai yi kolu kɛ minu man kan ka kɛ.

Matiyu 24:24

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ba ni kawanankolu kɛla fɔsa Ala ya mɔɔ taninnu la yi fili, ni wo ka se kɛla.

Matiyu 7:15

«Ài y'ài jando ài jɛlɛ lɔ faɲafɔ kelalu ya ko lɔ. Ai y'ai jɛlɛ kɛla iwo saalu ka na ài ma, k'a talan soofali le ai le.

Ɛfɛsikalu 4:14

Wo ma, mɔ tɛnala kɛla dennilu le butu, kɔɔ kilinkilin yi minu lamaamaala, ani fɔɲɛ yi minu lafilinfilinna ka bɛn mɔɔ jateeyaninnu ya lafilikolu ma ani aiya faɲafɔ kalan kaijakaijalu.