1 Piyɛli 2:2 - Ala Ya Salatikan Kula Kitabu

² Ala kumakan sɛnɛyanin lɔɔ yi kɛ ài la, iwo sinji lɔɔ yi kɛla denɲanin na teme, fɔsa ài la yi sawati kisiko lɔ a sabu la,

1 Piyɛli 2:2 Iomraidhean Croise

Matiyu 18:3

A vɛɛ ai yɛ: «Ǹ'i tuɲa fɔ ài yɛ, ni ài ma ài dajoo mafalin ka kɛ iwo denni, ài tɛnala donna haijɛnɛ masaya lɔ.

Matiyu 19:14

Isa do vɛɛ ai yɛ: «Ài y'a to dennilu yi na m̀ ma. Ài kà ai dansii, kamasɔlɔn mɔɔ minu kɛnin iwo denni, wolu fɛ yi haijɛnɛ masaya la.»

Malɛkɛ 10:15

Ǹ'i tuɲa fɔ ài yɛ, ni mɔɔ min m'a bolo sii Ala ya masaya kɔlɔ iwo denni, wo tii tɛnala donna a lɔ tuun.»

Luka 18:17

Ǹ'i tuɲa fɔ ài yɛ, ni mɔɔ min m'a bolo sii Ala ya masaya kɔlɔ iwo denni, wo tii tɛnala donna a lɔ tuun.»

Lɔmukalu 6:4

Maa makoliko sabu la, mɔ su vɛ doon a fɛ ka kafon a kɔkan aa saya lɔ, fɔsa Masa Tɔɔmasenin lawulinin teme ka bɔ saya lɔ mɔ Fa Ala ya foniseleya lɔ, ǹu fana yi taama niimaya kula lɔ ten ne.

1 Kolɛntikalu 14:20

M̀ badenmalu, ài hangili kà kɛ iwo dennilu. Koyon ta fannɔ, ài yi kɛ iwo denɲanin, kɛɛ hangilimaya ta fannɔ, ài yi kɛ kɛmɔbalu le.

Ɛfɛsikalu 2:21

Ka bɛn ale le ma, bon wo kawakulunnu yi tuuntuunna i ɲɔɔ na, ka to buɲala, ka kɛ lɔhɔlɔmabonba le, min bilanin a ta fan mɔ Tii Ala yɛ.

Ɛfɛsikalu 4:15

Ado mɔ vɛ kɛla tuɲa fɔla kanundeya boloma, mɔ buɲatɔ boloɲa suu bɛ ma Masa Tɔɔmasenin ya kafonɲɔɔya lɔ, ale min yi limaniyajama Kuntii le.

2 Tɛsalonikakalu 1:3

Mɔ badenmalu, a bɛnyine m'i kɛ Ala balika bɔla waate bɛ àiya ko lɔ, kamasɔlɔn àiya limaniya yi wala kan bɛlɛbɛlɛ kɛ, a dɔ le yi lala àiya ɲɔɔkanu kɔkan kudein.

1 Piyɛli 1:23

Kamasɔlɔn ài ma sɔlɔn kula kɛ sɛnɛfensi tiɲata sabu la, mafɔ sɛnɛfensi tiɲabali, min kɛnin Ala kumakan ɲɛnɛma le, min yi je kudein.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.