Matiyu 5:4 - Manobo Matigsalug

⁴ “Keupianan te seeye se me etew ne eglungku, su egbehayan sikandan te Manama te kahale.

Matiyu 5:4 Iomraidhean Croise

Lukas 16:25

Piru migtabak si Abraham, ‘Mengeanak, sumsumana nu te diye ke pad te ampew te tane ne narawat nu ka langun ne me meupiya, piru si Lasaru mareet mule se natamtamanan. Piru kuntee nahale e sikandin kayi, wey sikeykew eg-antus ka due.

Lukas 6:21

“Keupianan niyu te eggutasan kuntee, su eggibulungen kew keureme. “Keupianan niyu te egsinehew kuntee, su egngingisi kew keureme.

Lukas 6:25

“Ne mekeyid-u-hid-u kew kangkuwa se nenabulung, su eggutasan kew red keureme. “Ne mekeyid-u-hid-u kew kangkuwa se egngingisi, su eglungku wey egsinehew kew red keureme.

Lukas 7:38

Ne migsasindeg sikandin diye te peka ni Hisus dapit te paa. Migsinehew sikandin wey nasubid te luwe din ka paa ni Hisus wey impunasan din seeye te bulbul rin wey inggarekan din. Ne in-itisan din e te peemut ka paa ni Hisus.

Lukas 7:50

Ne migkahiyan ni Hisus ka malitan, “Ka pegpalintutuu nu ka nakaluwas keykew. Uli ka ne meupiye e se geyinawa.”

Santiyagu 1:12

Keupianan te etew ne egpakaantus te me peg-eleg-eleg, su emun ke egpakaantus sikandin, egpakarawat sikandin te kuruna te umul ne insaad te Manama te seeye se eggeyinawa kandin.

Impakita 21:4

Egpunasen din ka me luwe dan. Ne warad egpatey, warad eglungku, warad egsinehew, wey warad egkasakitan tenged su ka tapey ne peg-ugpe naawe e.”