Matiyu 28:7 - Manobo Matigsalug

⁷ Ne dagdahawi niyu hendiyei ka me hibateen din wey nangeni niyu sikandan te neuyag e sikandin. Miggun-e e sikandin kaniyu diye te Galiliya wey diye niyud e egkakita sikandin. Kene niyu ma kalingawi ka inlaglag ku kaniyu.”

Matiyu 28:7 Iomraidhean Croise

Matiyu 24:25

Bantey kew su tapey kud e sikaniyu panpanayi.

Matiyu 26:32

Piru te pegkapenga te peg-uyag keddi, eggun-a ad e kaniyu diye te Galiliya.”

Matiyu 28:10

Nataman, migkahiyan sikandan ni Hisus, “Kene kew kaaldek! Hendiye kew e wey nangeni niyu ka me suled ku ne egpeendiyeen te Galiliya wey diya ad egkakita nikandan.”

Matiyu 28:8

Purisu migdagdahew sikandan mig-awe diye te insabalan ne nenaaldek piru nahale-gale degma, wey namallahuy sikandan ka egpangguhud diye te me hibateen din.

Markus 14:28

Piru te pegkapenga te peg-uyag keddi, eggun-a ad kaniyu diye te Galiliya.”

Markus 16:10

Ne miggendiyaan e ni Mariya ka me hibateen ni Hisus ne migmaninehew wey migmanlungku, wey migpangguhuran din e.

Markus 16:13

Ne nanlibed e sikandan ka migpangguhud te me duma ran, piru ware ded degma sikandan palintutuuwi.

Lukas 24:34

ne migkahi, “Malehet iya ne neuyag ka Magbebaye! Migpakita sikandin ki Simun!”

Huwan 14:29

Impanpanayan kud sikaniyu te eglalag kayi te kene pad seini egkeyitabu, eyew ke egkeyitabu e seini, egpakapalintutuu kew pad amana.

Huwan 16:4

Piru impanpanayan kud sikaniyu meyitenged kayi eyew te pegginguma te timpu ne eggimuwen dan e seini diye te kaniyu, egkasuman-suman niyu ka inlalag ku. “Ware ku ilalag seini te an-anayan su dume e mem pad kaniyu.

1 Kurintu 15:4

Inlebeng sikandin wey in-uyag te igkatelu ne aldew sumale degma te nasulat te Kasulatan.

1 Kurintu 15:6

Pegkapenga dutu, migpakite e man-e sikandin diye te miglibulung ne migmalintutuu ne subla te lalimma ne libu (5,000). Nammatey e kuntee ka duma kandan piru neuyag pad mule ka kasuluhan.