Matiyu 13:35 - Manobo Matigsalug

³⁵ Neyitabu seini eyew egkatuman ka ingkahi te Manama pinaahi te prupita ne miggenendue, “Eggamit a te me panunggilingan ke eglalag a, igguhud ku ka ware pad nanengnengi puun te peggimu te kalibutan.”

Matiyu 13:35 Iomraidhean Croise

Matiyu 13:14

Ne natuman e diye te kandan ka ingkahi te Manama pinaahi ki prupita Isayas ne eggenendue, ‘Minsan egmenuwen niyu te egpammineg, kene kew iya egpakasabut. Minsan egmenuwen niyu te egtengteng, kene kew iya egpakakita.

Matiyu 13:3

Masulug ka impanulu ni Hisus diye te me etew ne impabaye din te me panunggilingan. Migkahi sikandin, “Due sabeka ne etew ne miggendiye te kamet eyew egpamula.

Matiyu 25:34

Egkataman, sikeddi se Hari, egkahiyan ku ka diye te igkakawanan, ‘Hendini kew sikaniyu se impanalanginan te Amey ku wey ugpe kew te Migharian ne intahahe kaniyu puun pad te peggimu te kalibutan.

Matiyu 5:2

wey migbunsud e sikandin ka migpanulu kandan ne migkahi:

Lukas 10:14

Te Aldew te Peggukum, maagkap pad ka iglegpad te Manama te matig-Tiru wey matig-Sidun du te iglegpad kaniyu.

Huwan 17:24

“Ame, egkeupian a ne sikandan se imbehey nu keddiey, egpakaruma degma keddi ke hendei a, eyew egpakakita sikandan te karesen ku ne imbehey nu keddi, su inggeyinawaan e ma nikeykew minsan ware pad himuwa ka kalibutan!

Me Himu 15:18

Seini iya ka ingkahi ku ne naluhey ku re ipataha,’ kahi te Magbebaye.”

1 Kurintu 2:7

Ka kaalam ne egkahiyen ney kayi, sika se neeles de ne kaalam te Manama ne ware din ipanengneng te me etew dengan. Te ware din pad himuwa ka kalibutan, tapey rin e planuwa sika eyew egpakalagkes ki degma te kabantug din keureme.

Ipisu 3:5

Ware ipataha dengan sika te Manama diye te me etew, piru kuntee, pinaahi te Panisingan din, impataha rin e kayi te matulus ne me apustulis din wey diye te me prupita.

Ipisu 3:9

Migbehayan a nikandin te himu te pegpasabut te langun ne etew meyitenged te nekeeles ne planu te Manama ne iyan miggimu te langun—ka nekeeles ne planu ne ware din ipanengneng puun pad dengan.

Hibruwanen 1:1

Dengan ne timpu, malasi migpakiglalag ka Manama te nalein-lein ne paahi diye te me kaap-apuan ta pinaahi te me prupita.

Impakita 13:8

Ne egsimba kandin ka langun ne nangugpe te kalibutan, angin e te seeye se nakasulat se me ngaran diye te Libru te Umul. Te ware pad neyimu ka kalibutan, nakasulat e ka me ngaran dan diye te libru te Nati ne Karniru ne innimatayan.

Impakita 17:8

Ka makaliyas-liyas ne mananap ne nakita nu, manekal pad dengan piru migpatey e kuntee. Ne mahaan e sikandin eglihawang puun te bitu ne ware tamanan eyew egdereetan en iya. Ka langun ne etew ne ware nakasulat se me ngaran diye te Libru te Umul bunsud pad te peggimu te kalibutan, egkeinu-inu ke egkakita ran e ka makaliyas-liyas ne mananap ne manekal pad dengan wey migpatey e kuntee, piru eglibed ded man-e.