Matiyu 11:6 - Manobo Matigsalug

⁶ Keupianan te seeye se ware migduwa-ruwa meyitenged keddiey.”

Matiyu 11:6 Iomraidhean Croise

Matiyu 13:21

Piru ware seini nakareralid diye te pusung din, purisu ware de naluhey ka pegpalintutuu rin. Pegginguma te keyirapan wey pegbayad-bayad tenged te pegdawat din te lalag te Manama, due-rue ne mig-engked sikandin te pegpalintutuu rin.

Matiyu 18:7

Mekeyid-u-hid-u ka me etew kayi te ampew te tane su layun de eggingumei te me pegtintal. Duen iya me pegtintal ne egginguma, piru mekeyid-u-hid-u ka etew ne iyan egpuunan te pegtintal.

Matiyu 24:10

Egkataman, masalig ka egpakasuwey, wey egmaak-akaley sikandan wey egmarumdumutey.

Matiyu 26:31

Nataman, migkahi e si Hisus diye te kandan, “Te seini ne karusileman, eg-engked kew e langun keddiey su nasulat diye te Kasulatan, ‘Eggimatayan ku ka talagtameng te me karniru, wey egmemekegsuwey-suwey e ka me karniru.’

Matiyu 5:29

Ne emun ke iyan egpuunan ka kawanan ne mata nu ne egpakasale ka, lekata nu sika wey iregpak nu. Meupiya pad ke egkaawaan ka te sabeka ne baad te lawa nu du te igdegpak diye te linew ne hapuy ka intiru ne lawa nu.

Markus 6:3

Kene naa ne sikandin ka talagbebaley? Kene naa ne si Mariya ka iney rin, wey kene naa ne ensi Santiyagu, si Husi, si Hudas wey si Simun ka me suled din? Ware naa ne kayi nangugpe ka me atebey rin?” Sikan naa, natameneng e sikandan ki Hisus.

Lukas 2:34

Ne impanalanginan sikandan ni Simyun wey ingkahiyan din si Mariya ne iney te bate, “Seini ne bate in-alam te Manama eyew pegpariralem wey pegparibabew te masulug ne me etew te Israil. Sikandin ka palinneu ligkat te Manama ne egdali-dian te me etew

Lukas 7:23

Keupianan te seeye se ware migduwa-ruwa meyitenged keddiey.”

Huwan 16:1

“Egpanpanayan kud sikaniyu te eglalag kayi eyew kene kew egkatigkew wey eg-engked egpalintutuu keddiey.

Huwan 6:66

Ne puun dutu, masalig ka me hibateen din ne mig-engked wey warad migduma kandin.

1 Kurintu 2:14

Ka etew ne ware nakaangken te Panisingan te Manama, kene egdawat te langun de iya ne egpuun te Panisingan te Manama, su keungelan kun de kandin ka iling due. Ne kene man-e sikandin egpakasabut, tenged su egkasabut de ka iling due pinaahi te bulig te Panisingan te Manama.

Galasya 5:11

Meyitenged keddiey me suled, ke malehet pa ne migpabulus a ka egwali te keilangan ne egpatuli ka etew, mania te egbaybayaran e red? Ke malehet pa sika, kene perem egpakapabelu kandan ka pegwali ku meyitenged te krus ni Kristu.

1 Pidru 2:8

Ne duen pad man-e diye te Kasulatan ne migkahi, “Seini ka batu ne egpakapasaligkat te me etew, wey ka egpakaparugsu kandan.” Egkasaligkat sikandan tenged su ware sikandan migpalintutuu te lalag te Manama. Ne sika iya ka implanu te Manama kandan.