Lukas 6:21 - Manobo Matigsalug

²¹ “Keupianan niyu te eggutasan kuntee, su eggibulungen kew keureme. “Keupianan niyu te egsinehew kuntee, su egngingisi kew keureme.

Lukas 6:21 Iomraidhean Croise

Matiyu 5:4

“Keupianan te seeye se me etew ne eglungku, su egbehayan sikandan te Manama te kahale.

Matiyu 5:6

“Keupianan te seeye se me etew ne egpakannekal ne egtuman te igkeupii te Manama, su egbulihan sikandan te Manama te pegtuman due.

Lukas 1:53

Impeyibhibulung din te me meupiya ka impanggutasan wey impaawe din ne ware me inuyanan ka me meyaman.

Lukas 6:20

Ne migtengteng si Hisus te me hibateen din ne migkahi: “Keupianan niyu te egkengaayu-ayu, su egkasakup kew te Peghari te Manama.

Lukas 6:22

“Keupianan niyu te egdumutan, egsamsamilian, egpeyilawan, wey egdereetan te me etew se ngaran tenged te Anak te Etew.

Lukas 6:25

“Ne mekeyid-u-hid-u kew kangkuwa se nenabulung, su eggutasan kew red keureme. “Ne mekeyid-u-hid-u kew kangkuwa se egngingisi, su eglungku wey egsinehew kew red keureme.

Huwan 11:35

Ne dutu migsinehew e si Hisus.

Huwan 4:10

Ne migtabak si Hisus, “Ke nanengnengan nu pa perem ke nekey ka igkabehey te Manama, wey ke hentew seini se migbuyu keykew te weyig, sikeykew en iya perem ka egbuyu keddi wey egbehayan ku sikeykew te weyig ne egpakabehey te umul.”

Huwan 6:35

Ne migkahiyan ni Hisus sikandan, “Sikeddiey ka keenen ne egbehey te umul. Ka egparani keddi kenad iya eggutasan, wey ka egpalintutuu wey egsalig keddi, kenad egkammaraan.

1 Kurintu 4:11

Minsan kuntee, egmanggutasan key, egkammaraan, ware amana kumbale ney, impanlampesan key, wey ware ugpaan ney.

2 Kurintu 11:27

Mangune-kune ka peggimu ku taman te nabeley a, malasi ne kena a egpakalipereng, eggutasan a wey egkammaraan. Malasi ne ware egkakeen ku, wey egkaagsilan a tenged su kulang ka kumbale ku.

2 Kurintu 12:10

Purisu, egkabennalan ad e te me kahuye ku, te peglemet keddi, te keyirapan ku, te pegbayad-bayad keddi, wey te kalised ku tenged ki Kristu. Su emun ke mahuya a, nasi e naan manekal.

2 Kurintu 6:10

Minsan ke due me kalaggew ney, piru egkahale key red. Minsan ke egkaayu-ayu key, piru masalig ka imparatu ney. Minsan ke hendue te ware karatuan ney, piru due langun kayi te kanami.

Santiyagu 1:12

Keupianan te etew ne egpakaantus te me peg-eleg-eleg, su emun ke egpakaantus sikandin, egpakarawat sikandin te kuruna te umul ne insaad te Manama te seeye se eggeyinawa kandin.

Impakita 21:3

Ne due heemeni ne laheng ne narineg ku puun te trunu ne miggenendue: “Pammineg kew! Diyad te me etew ka ugpaan te Manama, wey eglemung e sikandin kandan. Ne keet-etawan din e sikandan wey egdumaan din sikandan, wey Manama ran e sikandin.

Impakita 7:16

Kenad e sikandan egmanggutasan wey egkengammaraan, wey kenad e sikandan egkatutung te aldew wey te minsan nekey pad ne egpakatutung.