Ipisu 5:7 - Manobo Matigsalug

⁷ Kene kew duma-ruma kandan.

Ipisu 5:7 Iomraidhean Croise

2 Kurintu 6:14

Kene kew sabeka te seeye se kene egpalintutuu. Su kene iya egkaayun ne egkasabeka ka matareng wey ka mareet se pegbebatasan, wey kene egkaayun ne egpekegduma ka malayag te marusilem.

Ipisu 3:6

Ne iyan seini ka nekeeles ne planu te Manama: pinaahi te Meupiya ne Panugtulen, ka kene ne me Hudiyu egpakarawat te me panalangin te Manama duma degma te me Hudiyu, wey egkeyimu sikandan ne sakup te sabeka ne lawa, wey egkatalaran sikandan te insaad te Manama puun su nasabeke e sikandan diye ki Kristu Hisus.

Ipisu 5:11

Kene kew ambag-ambag te ware karuan ne eggimuwen te me etew ne diye pad te marusilem, ke kene, ipanengneng niyu sika.

1 Timutiyu 5:22

Kene ka gaan-gaan behey te katenged diye te etew isip pangulu te migmalintutuu pinaahi te pegtel-eb te belad nu, su kema ke egkaalak ka te sale te duma nu. Ke kene, keilangan ne diyu-diyu ka te mareet.

Impakita 18:4

Nataman, duen e man-e narineg ku ne laheng puun te langit ne migkahi, “Sikaniyu se me keet-etawan ku, awe kew rue eyew kene kew egpekeikul te me sale din, wey eyew kene kew egsalerep duma kandin!