Huwan 8:43 - Manobo Matigsalug

⁴³ Iyan puunan ne kene kew egpakasabut te iglalag ku, su egkeepes kew ne egpammineg te iglalag ku.

Huwan 8:43 Iomraidhean Croise

Matiyu 13:15

Su memakehal ka ulu te seini ne me etew, insagpengan dan ka talinga ran, wey impileng dan ka mata ran. Su kema ke egpakakita sikandan, wey egpakarineg, wey egpakasabut, wey eglibed kayi te keddi, ne egbawian ku sikandan.’

Huwan 5:25

Egnangenan ku sikaniyu te malehet: egginguma ka timpu, ne ka seinid en iya kuntee, ne egdineg ka me minatey te laheng te Anak te Manama, ne seeye se egpakarineg, egkeuyag.

Huwan 5:43

Miggendini a ka mig-uyan te katenged te Amey ku, piru ware a nikaniyu dawata. Ne ke due lein ne eggendini te kandin de ne katenged, iyan niyu nasi egdawaten.

Huwan 6:60

Masalig ne me hibateen din ka nakarineg kayi wey nakakahi, “Malised seini se impanulu din. Hentew-a ka egpekeuyun kayi?”

Huwan 7:17

Minsan hentew ne egkeupian ne eggimu te igkeupii te Manama, egpakanengneng ke diye naa egpuun te Manama ka pegpanulu ku wey ke kayi re egpuun te keddiey.

Huwan 8:27

Ware sikandan nakasabut te ka Amey bes e ne Manama ka egkahiyen din.

Huwan 8:33

Ne migtabak sikandan, “Me kabuhalan key ni Abraham wey ware key re due neuripen te minsan hentew. Ne mania te migkahi ka te egbehayan key te kaligwangan?”

Huwan 8:39

Ne migtabak sikandan, “Si Abraham ka amey ney.” Ne migtabak si Hisus, “Ke malehet ne kabuhalan kew ni Abraham, iling ded perem ka eggimuwen niyu te innimu rin.

Me Himu 7:51

“Amana ne makehal ka me ulu niyu wey ka me pusung niyu, wey kene kew egpammineg te lalag te Manama! Ne nekeiling kew te me kabuybuyahan niyu! Ne layun kew eg-apul te Panisingan te Manama!

Ruma 3:11

ware sabeka ne egpakasabut te Manama wey ware egpammitew kandin.