Huwan 7:20 - Manobo Matigsalug

²⁰ Ne migtabak ka me etew, “Migserepan kad te busew! Hentew ma ka egkeupian ne eggimatey keykew?”

Huwan 7:20 Iomraidhean Croise

Matiyu 10:25

Eleg de iya ne egpekeiling ka hibateen te talagpanulu din. Ne ka uripen, eleg de iya ne egpekeiling degma sikandin te ahalen din. Ke egngaranan ma ki Meibulan ka pangulu te sabeka ne pamilya, iyan naan pa iya ka me sakup din.

Matiyu 12:24

Piru te pegkarineg dutu te me Parisiyu, migkahi sikandan, “Si Meibulan ne pangulu te me busew ka migbehey kandin te geem te pegpangalew te me busew.”

Matiyu 9:34

Piru migkahi ka me Parisiyu, “Ka pangulu te me busew ka migbehey kandin te geem te pegpangalew te me busew.”

Markus 3:30

Nakahi rin sika tenged su migkahi sikandan te migserepan e sikandin te busew.

Huwan 10:20

Masalig kandan ka migkahi, “Migserepan sikandin te busew! Egbusawen e sikandin! Ne mania te egpammineg kew pad kandin?”

Huwan 8:48

Ne migtabak ka me pangulu te me Hudiyu diye te ki Hisus, “Malehet bes ka inlalag ney ne matig-Samarya ka wey migserepan te busew.”

Huwan 8:49

Ne migtabak si Hisus, “Wara a serepi te busew. Imbantug ku re ka Amey ku, piru impeyilawan a mule nikaniyu.

Huwan 8:52

Ne migkahiyan sikandin te me pangulu te me Hudiyu, “Kuntee, nanengnengan ney e ne malehet iya ne migserepan ka te busew! Migpatey e si Abraham wey ka me prupita, piru kuntee, egkahi ka te minsan hentew ne egtuman te iglalag nu, kenad iya egpatey.

Me Himu 26:24

Te sasangan pad ne egpangatarengan si Pablu, migbalbalukan e si Pistu ne migkahi, “Egbusawen kad Pablu! Egbusawen kad puun te subla ne katuenan nu!”