Huwan 21:16 - Manobo Matigsalug

¹⁶ Nataman, mig-insaan e man-e sikandin ni Hisus, “Simun ne anak ni Huwan, miggeyinawaan e red nikeykew?” Ne migtabak si Pidru, “Uya Magbebaye, nakanengneng ka te miggeyinawaan ku sikeykew.” Ne migkahiyan sikandin ni Hisus, “Tangguwa nu ka me karniru ku.”

Huwan 21:16 Iomraidhean Croise

Matiyu 2:6

‘Ka Bitlihim ne nasakup te Hudiya, ka mabantug te langun ne lungsud due te Hudiya, su diye egpuun ka egpangulu ne egtanggu te keet-etawan ku ne me kabuhalan ni Israil.’ ”

Matiyu 25:32

Ne eglibulungen diye te tangkaan din ka me etew te langun ne me nasud. Egkataman, egbaaren din sikandan te daruwa ne baad, iling te eggimuwen te talagtameng ne egpegsuwey te karniru wey te kambing.

Matiyu 26:72

Ne migpahunware ded man-e si Pidru ne migkahi, “Hibet iya, wara a nekeila te sika ne etew!”

Lukas 19:10

Su iyan innendini te Anak te Etew eyew te pegpammitew wey pegluwas te natarin.”

Huwan 18:17

Ne migkahiyan si Pidru te malitan ne diye te gumawan, “Kema ke sabeka ka ne hibateen te sika ne etew?” Ne migtabak si Pidru, “Kene ne!”

Huwan 18:25

Te seeye ne timpu, migsasindeg pad si Pidru ka egginarang, wey mig-insaan sikandin te me etew, “Kene ka ne sabeka ne hibateen te sika ne etew?” Piru migpahunware si Pidru ne migkahi, “Kene ne!”

Huwan 21:17

Ne mig-insaan e man-e sikandin ni Hisus te igkatatelu e, “Simun ne anak ni Huwan, miggeyinawaan e red nikeykew?” Ne dutu, neenenduenan e si Pidru su katatelu e sikandin insei ni Hisus ke miggeyinawaan din naa iya. Ne migtabak si Pidru, “Magbebaye, nakanengneng ka te langun. Nakanengneng ka te miggeyinawaan ku sikeykew.” Ne migkahiyan sikandin ni Hisus, “Tangguwa nu ka me karniru ku.

Me Himu 20:28

Tantanuri niyu ka pegkeetew niyu wey ka langun ne migpalintutuu ne insalig kaniyu te Panisingan te Manama. Tangguwa niyu degma ka me etew te Manama ne inluwas din pinaahi te pegpatey te kandin mismu ne anak.

Hibruwanen 13:20

In-uyag te Manama ne egpuunan te keupianan ka Magbebaye ta ne si Hisus. Egpekeiling sikandin te maresen ne talagtameng te me karniru, ne pinaahi te langesa rin, napamalehetan din ka ware katammanan ne kasabutan.

1 Pidru 2:25

Su sikaniyu dengan, nekeiling kew te me karniru ne nenallaag, piru kuntee, nakalibed kew e diye te Talagtameng wey Talagtanggu te me gimukud niyu.

1 Pidru 5:2

Iyan ku igbanasal kaniyu, ne tangguwa niyu ka keet-etawan ne insalig te Manama kaniyu su nekeiling sikandan te karniru rin. Piru tangguwa niyu sikandan ne kene ne puun su napehes kew re, ke kene, puun su sika ka igkeupii niyu sumale te pegbuut te Manama kaniyu. Himuwa niyu sika ne kene ne puun su egkaam-amanaan kew te igbayad, ke kene, puun su amana kew egkeupian ne egbulig kandan.

Impakita 7:17

Su ka Nati ne Karniru ne diye te elat-elat te trunu, iyan egtanggu wey egpanulud kandan diye te me sebseb ne egpakabehey te umul. Ne egpunasen te Manama ka tagse luwe dan ne egtihis.”