Huwan 2:21 - Manobo Matigsalug

²¹ Piru ka timplu ne egkahiyen ni Hisus, sika se lawa rin.

Huwan 2:21 Iomraidhean Croise

Huwan 1:14

Ne ka Lalag, neyimu ne etew wey miglemung mig-ugpe kanta. Amana sikandin ne meupiya wey hiid-uwen, wey malehet ka inlalag din. Nakita ney ka katelesan din, ka katelesan isip sabsabeka ne Anak te Manama ne Amey.

Huwan 2:22

Purisu te timpu ne in-uyag e sikandin, nasuman-suman te me hibateen din ka inlalag din. Ne migpalintutuu e sikandan te nasulat te Kasulatan wey te inlalag ni Hisus meyitenged te lawa rin.

1 Kurintu 3:16

Ware kew bes nakataha ne sikaniyu ka ugpaan te Manama wey due mig-ugpe te kaniyu ka Panisingan din?

1 Kurintu 6:19

Ware kew bes nakanengneng ne ka lawa niyu, timplu ne in-ugpaan te Panisingan te Manama ne imbehey rin kaniyu? Kene ne sikaniyu ka kamuney te lawa niyu su ka Manama.

2 Kurintu 6:16

Kene iya egkaayun ne egpekeg-uyun ka diyus-diyus te sika se ugpaan te Manama. Ne sikanta ka ugpaan te manekal ne Manama. Sumale te ingkahi te Manama, Eg-ugpa a diye te kandan wey egduma a kandan. Egkeyimu a ne Manama ran, wey egkeyimu sikandan ne keet-etawan ku.”

Kulusas 1:19

Su egkeupian ka Manama ne due te Anak din ka pegka-Manama rin.

Kulusas 2:9

Ka malehet, neyimu ne etew si Kristu, piru minsan pad due, duen ded te kandin ka pegka-Manama rin.

Hibruwanen 8:2

Egpamakey sikandin isip Labew ne Talagpanubad diye te matulus ne ugpaan te Manama ne diye te langit ne malehet ne simbaan su kene ne impasasindeg te me etew, ke kene, innimu mule te Manama.