2 Timutiyu 4:21 - Manobo Matigsalug

²¹ Lehet-lehet ka hendini te kene pad amana egmaagsil ka timpu. Migpangemusta keykew si Iyubulu, si Pudinti, si Linu, si Klawudiya, wey ka langun ne me suled ta kayi.

2 Timutiyu 4:21 Iomraidhean Croise

Lukas 12:58

Ke due egbayung keykew wey igsumbung kad nikandin, pakannekal ka ne egkewusey kew te diye kew pad te dalan, su kema ke igpeendiye kad e nikandin te huwis, ne igpeendiye kad e man-e te pulis, ne egkataman ne igpaprisu kad e.

1 Kurintu 16:20

Egpangemusta degma ka langun ne suled ta kayi. Pegpangemusteey kew ka tagse sabeka te pegpapitew ne migpaheyinaweey kew.

2 Kurintu 13:13

Ka keupiya wey keyid-u te Magbebaye ne si Hisu Kristu, ka geyinawa te Manama, wey ka pegsabeka niyu te Panisingan te Manama, egkaangken niyu langun.

Pilipus 4:22

Egpangemusta degma kaniyu ka langun ne keet-etawan te Manama kayi, labi en iya ka diye te sakup te palasyu ni Sisar.

2 Timutiyu 1:4

Ne emun ke egkasuman-suman ku ka pegsinehew nu te pegligkat ku, amana a egkeupian ne egpakigkita man-e keykew eyew amana a egkahale.

2 Timutiyu 4:13

Ke eggendini kad, uyana nu ka malayat ne kumbale ku ne inggaat ku ki Karpu diye te Truwas. Uyana nu degma kayi ka me libru ku wey labew te langun, ka impanulat ne linulun.

2 Timutiyu 4:9

Lehet-lehet ke ma hendini te keddi te mahaan,

Titu 3:12

Ke igpeenduen kud e te keykew si Artimas wey ke si Tikiku naa, apas ke naa temu keddi diye te Nikupulis su nakaplanu ad ne diye e pad eg-ugpe te timpu te maagsil.

2 Huwan 1:13

Egpangemusta degma keykew ka me anak te suled nu ne in-alam degma te Manama.

3 Huwan 1:14

Egkeupian a perem ne egpekegkita ki pad te mahaan, wey egpekeglalag pad.