1 Pidru 3:10 - Manobo Matigsalug

¹⁰ Su nasulat te Kasulatan, “Emun ke due etew ne egkeupian ne egkahale wey egkeupian ne meupiya ka peg-ugpe din, keilangan ne kene sikandin eglalag te mareet wey eg-uubat.

1 Pidru 3:10 Iomraidhean Croise

Matiyu 19:17

Ne migtabak si Hisus, “Mania te mig-inse ka keddi ke nekey ka meupiya? Sabeka re ka meupiya, ka Manama re. Piru ke egkeupian ka ne egpakarawat te umul ne ware egtamanan, keilangan ne egtumanen nu ka me suhu te Manama.”

Markus 8:35

Su seeye se egkeupian ne egluwas te kandin ne umul, nasi egkawarei kayi, piru seeye se egkawaraan te kandin ne umul tenged keddiey wey te Meupiya ne Panugtulen, egpakarawat te umul ne ware egtamanan.

Huwan 1:47

Te pegkakita ni Hisus te egparani e si Natanail diye te kandin, migkahi e sikandin, “Te, seinid e ka malehet ne kabuhalan ni Israil, wey kene mule sikandin egpanlimbung.”

Huwan 12:25

Seeye se amana eggeyinawa te kandin ne umul, nasi egkawarei kayi, piru seeye se kene egkannuhun te kandin ne umul, egpakaangken te umul ne ware egtamanan.

Santiyagu 1:26

Ke due sabeka ne egpalintutuu ne eleg e ka kandin ne pegpamakey, piru ke kene egbantey ke nekey ka iglalag din, kene ne malehet ka pegpamakey rin. Mig-akalan din de ka isip din.

1 Pidru 2:1

Purisu, inniyuhi niyu ka langun ne mareet ne hinimuwan iling te pegpanlimbung, pegpapitew-pitew, pegkeimma, wey ka peg-iran-iran te duma niyu.

1 Pidru 2:22

Ware sikandin nakasale wey ware ubat ne egkarineg nu diye te kandin.

Impakita 14:5

Warad iya sikandan nanguubat wey warad iya igkarew-ey kandan.