1 Kurintu 2:16 - Manobo Matigsalug

¹⁶ Su sumale te Kasulatan, Hentew bes ka nakataha te suman-suman te Magbebaye ne Manama? Hentew bes ka egpakatambag kandin? Piru sikanta se migmalintutuu ka egpakataha ke nekey ka egsumsumanen ni Kristu.

1 Kurintu 2:16 Iomraidhean Croise

Huwan 15:15

Ne kene kud e sikaniyu egngaranan te me uripen, su ka uripen, kene egpakataha te eggimuwen te ahalen din. Alukuy e ka igngaran ku kaniyu, su ke nekey ka narineg ku puun te Amey ku, sikan ded degma ka innangen ku kaniyu.

Ruma 11:34

Su nasulat te Kasulatan ne miggenendue, “Hentew naa ka nakataha te suman-suman te Magbebaye ne Manama? Hentew naa ka egpakapanulu kandin te eleg ne eggimuwen?

1 Kurintu 12:8

Ka senge etew, egbehayan te Panisingan te pegpasabut te kaalam te Manama, ne ka sabeka, egbehayan degma te sikan ded ne Panisingan te manedted ne katuenan te pegpanulu.