Tiak 4:2 - Maxakalí O Novo Testamento

² Tu hãpxop putup xũy, pãyã' pa hok, hup-tex putup, nũy nõm hãpxop pa', tu 'ãnõy yõg hãpxop putup, 'ap pa yũmmũg'ah, hu yãykix, tu Topa tu' xak 'ohnãg, pu xa' hõm.

Tiak 4:2 Iomraidhean Croise

Yoãm 16:24

Hõmã tu yã hõnhã 'ãxop te Topa tu' xak 'ohnãg hãpxop, tu 'ãkuxa mãm 'ũgkopah. 'Ãpu ta tu' xax, xayĩy 'ãkuxa hittup xexkanãm.

Yoãm 4:10

Ha Yeyox te: —'Ok xate' yũmmũg Topa te tikmũ'ũn pu nõm hok hõm, tu nũ' nõm kutnãhã'? 'Ok xate' yũmmũg 'ũgmũn 'ũ'ũm? Xate' yũmmũg, nũy ta 'ãtu 'ãkax, yĩy 'ãte xa' hõm kõnã'ãg, nõm te tikmũ'ũn hĩnnã xe'ẽgnãg. Kaxĩy.

Tiak 1:5

Tikmũ'ũn te hãmyũmmũg hok, puxix Topa tu' xax, pu tu hãmyũmmũgã', ha Topa hittup, tu hãmyũmmũgã punethok, tu mõktu xohix, yã Topa mũn max, tu' hok hã tikmũ'ũn xohix pu hãmyũmmũgãhã',

Tiak 5:6

Yã 'ãxop te' hok xop kix, ha hãpkummuk mĩy 'ohnãg, pãyã' pu'uk, 'ũhok tu', hu' xakix.

1 Yoãm 3:15

Tikmũ'ũn te' xapep-tup hok, puxix tu kuxa kopap-tex, ha tikmũ'ũn tep-tex, puxix tu kuxa hi 'ohnãg.