Mãteo 5:4 - Maxakalí O Novo Testamento

⁴ —'Ũkuxa hittup'ax tikmũ'ũn pota punethok xop. Yã Topa te' kuxa hittupmãp-tup.

Mãteo 5:4 Iomraidhean Croise

Nok Te Yeyox 'Ãktux 16:25

—Pa 'Amanãm te: “Xõnnũ', Topa te xa hãmmaxnãhã hãm tu', 'ĩhã Nay ha hãpkummugãhã', yã hõnhã' hittup pax 'ĩhã 'ãxũy,

Nok Te Yeyox 'Ãktux 6:21

—'Ãkuxa hittup 'ãp-tup xũy xop nõmhã. Topa te 'ãtex hi ka'ok putup. —'Ãkuxa hittup 'ãpota xop nõmhã. Topa te 'ãxop kuxa hittupmãp-tup.

Nok Te Yeyox 'Ãktux 6:25

—'Ãkuxãnõg 'ãxop hi ka'ok nõmhã, putup te 'ãkix putup hah. —'Ãkuxãnõg 'ãxop yĩxix nõmhã, 'ãpotap-tup tu'.

Nok Te Yeyox 'Ãktux 7:38

ha Yeyox yĩkãgnãg hã' xip, tu potaha', ha' pa hep te Yeyox pata tu' nãhã', tu' pa hep hã' pata pix, hu Yeyox pata nakgãhã', tu yãy xetox hã 'ũktux tu' nakgãhã', tu Yeyox pata hax, tu hãpxop hax max pux, tu Yeyox pata tu' pux.

Nok Te Yeyox 'Ãktux 7:50

Ha Yeyox te 'ũn pu hãm'ãktux, hu: —'Ãkuxa yũm ka'ok 'ũgmũn kopah, yã' puxi'. Mõg. Pũyã 'ãkuxa yũm. Kaxĩy. Ha' mõg.

Tiak 1:12

Tikmũ'ũn xũy, puxix Topa yõg putat xax hok, pãyã' kuxa hittup. Yã Topa te hãpxopmã'ax xohix kopit, tu' kopit kux, 'ĩhã 'ũhĩnnã xe'ẽgnãg, tu ta tu hãm'ãktux xex, nũy hĩnnã', Topap-tup pax hah.

Apokalipse 21:4

Topa te tikmũ'ũn pa hep kutux putup. 'A xep xakix putup'ah, tu xe' kuxa hittup 'ohnãg putup'ah, tu xe' xũy putup'ah. Yã' nõg hãpxop hittap. Kaxĩy.