Mãteo 26:25 - Maxakalí O Novo Testamento

²⁵ Ha Yot te' yĩkopit kamah, tik te' mõgã'ax kummuk te hãmyĩkopit, hu: —Yãyã', xatep-tep pe'ãpaxex? 'Ok yãkmũn tik kummuk? Kaxĩy. Ha Yeyox te: —Hamũn. Xate' xuktux. Kaxĩy.

Mãteo 26:25 Iomraidhean Croise

Mãteo 23:7

Tup-tup tikmũ'ũn te: “Notot!”, kaxĩy, kõmẽn kopah, nũy tu' xexkãnã'.

Mãteo 23:8

'Ũtux hok pu tikmũ'ũn 'ãxãnã hok, hu: “Notot,” kaxĩy. Yã 'ãxop te 'ãnõy hã yã 'ãxape', hak mũn puxet te 'ãxop yũmmũgãhã'.

Mãteo 26:14

Hãpxip kutõgnãg 'ĩhã Yeyox yõg tik 'ãxet'ax Yot 'Ixkanot mõg, nũy 'ãmãnex xexka xop mũtik hãm'ãktux,

Mãteo 26:49

Tu' xupep, tu Yeyox ha' nũn, tu: —Yãyã', pũyã Topa 'ãkuxa yũmmã'! Kaxĩy. Tu yãykep ha' mũg.

Mãteo 26:64

Ha Yeyox te: —Ya hamũn. Xate' xuktux. Pãyã 'ãte xa hãpxe'e 'ãktux: 'Ãxop te Tikmũ'ũn Kutok pẽnãp-tup, ha Topa xe'ẽgnãg yĩm xe'e hak yũm putup pexkox tu', tuk yĩxop-tup, hãmgõy xexka hãk yĩxop-tup. Kaxĩy.

Mãteo 27:11

Ha Yeyox te Gohenanok Pinat keppa' xip, ha' yĩkopit, hu: —'Ok xate Yoneo yõg tikmũ'ũn xat xe'e'? Kaxĩy. Ha: —Xate' xuktux. Kaxĩy.

Nok Te Yeyox 'Ãktux 22:70

Ha' xexka xop te: —'Ok 'ãmũn yã Topak-tok xe'ẽgnãg? Kaxĩy. Ha: —Xate' xuktux. Kaxĩy.

Yoãm 18:37

Ha Pinat te: —'Ok 'ãmũn xexka'? Kãxĩy. Ha Yeyox te: —Hamũn, xate nõm 'ãktux 'ũkxexka'. 'Ũgnũn hãm xexka tu', tuk nãhã', nũy hãpxe'e 'ãktux, yã hãpxe'ẽgnãg. Hãmyoa'ax yõg tikmũ'ũn te yõgnũ hãm'ãktux 'ãpak, tu' yĩpkox pip. Kaxĩy.

Yoãm 4:31

Ha ta' pip Yeyox yõg tik xop, tu Yeyox mũtik hãm'ãktux, hu: —Yãyã, 'ãpu 'ãxit'ax mã'. Kaxĩy.