Mã'ak 7:34 - Maxakalí O Novo Testamento

³⁴ tu pexkox pẽnãhã pepix, tu xit xut xexkah, tu: —“Epatah!” Kaxĩy. Yã tikmũ'ũn yĩy'ax hã: “Pu yã 'ãyĩpkox xõn, nũy hãm'ãpax!” Kaxĩy.

Mã'ak 7:34 Iomraidhean Croise

Mã'ak 1:41

Ha' kuxa ka' punethok, tu' nõy yĩmũ yãy yĩm xix, hu: —Hamũn, 'ãtep-tup. 'Ãxax tap. Kaxĩy.

Mã'ak 15:34

Ha mãyõn he 'ĩhã Yeyox te hãm'ãktux ka'ok, hu: —“'Enix, 'Enix, nẽmã xamatãn?” Kaxĩy. Yã tikmũ'ũn yĩy'ax hã: “Yõgnũ Topa, yõgnũ Topa, teptuk nĩm?” Kaxĩy.

Mã'ak 5:41

ha Yeyox tek-tok yĩm mũg, tu: —“Tanita kõmĩy'” Kaxĩy. Yã tikmũ'ũn yĩy'ax hã: “Nixix, 'ãpu 'ãk-nĩhãxip!” Kaxĩy.

Mã'ak 6:41

Ha Yeyox te' pãm te' 5 pop xix mãm tix, tu pexkox pẽnãhã', tu: —Topa, xate nũ' popmãhã'. Yã 'ãmax. Kaxĩy. Tu pãm koxip, tu yãy yõg tik xop pu' popmãhã', puyĩy tikmũ'ũn pu popmã'. Tik te' popmãhã'. Ha ta mãm tix koxip, tu' popmãhã kamah,

Mã'ak 7:35

Ha' yĩpkox max, tu hãm'ãpak, ha' yõyxõg max, tu hãm'ãktux max.

Mã'ak 8:12

ha Yeyox te xit xut xexka, tu: —Teptu tikmũ'ũn te hãpxopmã'ax ka'ok xe'ẽgnãg xak, puyĩy tikmũ'ũn pẽnã'. 'Ãte xa hãm'ãktux, 'ãte xa hãpxopmã ka'ok xe'ẽgnãg putup'ah, xayĩy pẽnã'. Kaxĩy.

Nok Te Yeyox 'Ãktux 18:42

Ha Yeyox te: —'Ãpu, hãmpẽnã'. 'Ãkuxa yũm ka'ok 'ũgkopah, yĩy Topa te 'ãpa maxnãhã'. Kaxĩy.

Nok Te Yeyox 'Ãktux 19:41

Tu' mõg, tu kõmẽn Yenoyanẽn te hãmhũmnãg tu' xip, tu kõmẽn pẽnãhã', hu' potaha',

Nok Te Yeyox 'Ãktux 7:14

Tu' mõg, tu tik xok yõg mĩpkox 'ãpit, ha tikmũ'ũn hup, tu' mõg 'ohnãg, yĩy Yeyox te: —'Ũgnix! 'Ate 'ãxat, hu: 'Ãyok. Kaxĩy.

Yoãm 11:33

Mãnix potaha', ha Yeyox te pota pẽnãhã' xix Yoneo xop pota pẽnãhã nõm nũn Mãnix mũtik, tu' kuxa ka' xexkah,

Yoãm 11:35

Ha Yeyox potaha'

Yoãm 11:38

Ha' kuxa ka' xexka 'ũxehet Yeyox, tu ta' mõg xukpot tu', ha' xip Nay yõg mĩkaxxap kox, ha mĩkaxxap te mõhãmnĩnyĩn mĩkaxxap kox.

Yoãm 11:41

Ha tikmũ'ũn te mĩkaxxap yõkãnãmãhã', ha Yeyox te pepi pẽnãhã', tu: —Yõgnũ 'ãtak, 'ãmax, xate yõg hãm'ãktux 'ãpak.

Yoãm 11:43

Ta hãpxip 'ĩhã Yeyox te' xãnã ka'ok, hu: —Ney, 'ãpep, nũy nũ'! Kaxĩy.

Yoãm 17:1

Ta hãm'ãktux kux Yeyox, tu pepi' pẽnãhã pexkox tu', tu Topa pu hãm'ãktux, hu: —Tak, 'ãmnĩy nõ'õm xupep xate nõm 'ãktux. 'Ãpu 'ũgxexka xe'ẽgnãg mĩy, puyĩy tikmũ'ũn pẽnã 'ũgmax xe'ẽgnãg. Yã tikmũ'ũn te' yũmmũg putup kama 'ãxexka xe'ẽgnãg xix 'ãmax xe'ẽgnãg.

Yeyox Yõg Mõ'pok Xop Te Hãpxopmãhã' 9:34

Ha Pet te: —'Ẽnẽy, Yeyox Kunnix te 'ãhittupmãhã'. 'Ãyok, nũy 'ãk-nĩhã xip, xa 'õg komenok yũm. Kaxĩy. Ha' yok, tuk-nĩhã' xip.

Yeyox Yõg Mõ'pok Xop Te Hãpxopmãhã' 9:40

Ha Pet te' xohix xat, hu: —Hãptopa 'ãmõxãn. Kaxĩy. Ha' mõg, yĩy Pet te' kopaxux hã' xip, tu Topa pu hãm'ãktux, tu hãm'ãktux kux, tu pepi' mõg, tu Nok yĩnxax xat, hu: —Tamit, 'ãyok, nũy pepi xip. Kaxĩy. Ha' pa ko'a', tu' yũm.

'Emeo 4:15

Tu yũmũg kuxa ka', yũmũg pu'uk ha yũmũg kuxa ka', ha' kummuk xop te yũmũ'ã' kummugãhã', 'ũyĩy hãpkummuk mĩy, tu Yeyox kummugãhã kamah, puyĩy hãpkummuk mĩy, pãyã hãpkummuk mĩy 'ohnãg.