Mã'ak 4:31 - Maxakalí O Novo Testamento

³¹ Yã hãpxopxap putuk, yã mõytat xap putuk. Yã' kutõgnãg mõytat xap, pa hãpxopxap nõy xohix 'ũxexkah.

Mã'ak 4:31 Iomraidhean Croise

Mã'ak 4:30

Tu Yeyox te xe: —Texĩy Topa te yãy yõg tikmũ'ũn xat, ha' yĩpkox pip? Texĩy 'ãte xa hãmyũmmũgãp-tup?

Mã'ak 4:32

Tikmũ'ũn te mõytat xap xok, tu' xokax, tu' tuk, tu mõktu kup tox, ha ta' kup nõy kutõgnãg, ha mõytat kup mãg xexkah, ha ta' nũn putuxnãg, tu yãy pet mĩy mĩm mãg tu'. Hã kaxĩy Topa yõg tikmũ'ũn xop kutõgnãg hãmãxap, pa' xohix nõy nã'mõg tu mõktu' xohix. Kaxĩy.

Nok Te Yeyox 'Ãktux 17:6

Ha Yeyox te: —'Ok 'ãkuxa mãm kutĩgnãg? Pẽnã mĩm xexka kup 'ãxet'ax mõytat, ha mĩm xap kutĩgnãg. Pax xa kuxa mãm kutĩgnãg kaxĩy, hu ta mĩm xexka kup nõy piget pu' xat, hu: “Hãm tu yãy xut, nũy kõnãg xexka kopa 'ãxip, nũy kõnãg kaka yõg hãm kopa 'ãxok,” kaxĩy, puxix mĩm xexka kup yĩpkox pi', nũy' mĩy. Kaxĩy. Tu xe:

Yeyox Yõg Mõ'pok Xop Te Hãpxopmãhã' 19:20

Yã kaxĩy hã tikmũ'ũn te Topa yõg hãm'ãktux'ax 'ãpak, tu xe hãm'ãktux hãptox tu', ha tikmũ'ũn punethok kuxa mãm ka'ok, tu' yĩpkox pip.

Yeyox Yõg Mõ'pok Xop Te Hãpxopmãhã' 2:41

Ha tikmũ'ũn xohix xexkah te hãm'ãpak, tu' yĩpkox pip, hap-tox pix, yã yãy koxuk xop xohix te 3.000.

Yeyox Yõg Mõ'pok Xop Te Hãpxopmãhã' 21:20

Ha' xupak, tu' kuxa hittup xexka', tu Topa 'ãktux max, tu Paot pu hãm'ãktux, hu: —'Ũgnõy: Yoneo xop punethok kuxa mãm ka'ok Yeyox kopah, ha xate' yũmmũg, ha Mõyyex yõg xat'ax xohix pu' yĩpkox pip kamah, nũy mãynãg mĩy.

Yeyox Yõg Mõ'pok Xop Te Hãpxopmãhã' 4:4

Pa nõm te hãm'ãpak kuxa mãm ka'ok Pet yõg hãm'ãktux kopa', ha' kuxa mãm tik xop xohix nõy nã' mõg, tu mõktu 5.000, yã' xohix xexka punethok.

Yeyox Yõg Mõ'pok Xop Te Hãpxopmãhã' 5:14

Ha tikmũ'ũn punethok kuxa mãm ka'ok yũmũg xuxyã kopah, tu' nũn, tu' nõy tu' mõxaha', tu yãy tu nũ' kuxa mãm ka'ok xop xok, tik xop xix 'ũn xop,

Apokalipse 11:15

Ha ta' xip pexkox yõg nũ'kutnã'ax nõy, yã pexkox yõg mõkutnã'ax 7, tu mĩxux xop tut kaxyãhã', ha ta' yĩy ka'ok pexkox tu', hu: —Yũmũg xuxyã xexka te' xohix xat, yã Kunnix te' xat hãpxexka xohix yõg xexka xop, xix yõg tikmũ'ũn, tu nõm xat putup hãmyãxatamuk xohix kux 'ohnãg hã. Kaxĩy.