Mã'ak 3:5 - Maxakalí O Novo Testamento

⁵ Ha' gãy Yeyox, tu' kuxa hittup 'ohnãg, tikmũ'ũn te hãmyũmmũg putup 'ohnãg hah. Ta Yeyox te tik pu: —'Ãpu yã 'ũyoa 'ãyĩm. Kaxĩy. Ha' yoa', ha' yĩm hittup.

Mã'ak 3:5 Iomraidhean Croise

Mãteo 12:13

Tu tik yĩm nĩãa pu hãm'ãktux, hu: —' hu: —'Ãyĩm koa'! Kaxĩy Ha' koa', tu' hittup, ha' yĩm te' yĩm nõy putuk.

Mã'ak 3:4

Tu ta tikmũ'ũn pu hãm'ãktux hu: —Putep xat Topa yõg xat'ax yõg tappet? Putep xat, puyĩy tikmũ'ũn hãpxopmã nit xap 'ĩhã', yã 'ãmnĩy hãm hok 'ĩhã': 'ok pe hãpxopmã max, 'ok pe hãpxopmã kummuk? 'Ok pe tikmũ'ũn hĩnnãhã, 'ok pe tikmũ'ũn nĩm, puyĩy xakix? Kaxĩy. Pa tikmũ'ũn te hãmaãktux 'ohnãg.

Nok Te Yeyox 'Ãktux 13:15

Ha Yeyox te: —Xate mõ'ãmã'. 'Ãpa mũn max, pãyã 'ãkuxa mũn kummuk! Tikmũ'ũn te mũnũytut tak xip, 'ok pe yohmẽn xip, tu' hĩy tu' xix hãmpak'ax kopah, tu nit xap 'ĩhã koah, nũy mõgã kõnãg hah, pu' xo'op, yã' max,

Nok Te Yeyox 'Ãktux 17:14

Ha' pẽnãhã', tu: —Mõg, 'ãmãnex xop ha mõg pu 'ãpẽnã'. Kaxĩy. Ha' mõg. 'Ũmõg, 'ĩhã' hittup, ha' xax tap tup xupep tu max,

Nok Te Yeyox 'Ãktux 6:10

Tu' pẽnã ka'ok, tu tikmũ'ũn yĩmmap xop pẽnã ka'ok, tu tik yĩm nĩã pu hãm'ãktux, hu: —'Ĩm yoah. Kaxĩy. Ha' yok, ha' hittupmãhã'.

Yoãm 9:7

tu tik pu hãm'ãktux, hu: —Mõg, nũy yãy pa pix puxhep Xino'e tu'. Yã kõnãg kox te puxhep xetnãhã'. Kaxĩy. Yã Xino'e te tikmũ'ũn yĩy'ax hã: “Mõkutnãhã'” Kaxĩy. Ha ta' mõg tihik, tu yãy pa pix, tu hãmpẽnãhã', tu putpu' nũn, tu nũktu' xupep.

Hõmãn 11:25

'Ũkxape xop, 'ũg'ãpax: Hõnhã Yoneo yõg tikmũ'ũn yĩpkox 'ohnãg, pa hãptup nõy xohix 'ĩhã' yĩpkox pip putup, 'ĩhã' puknõg xop xohix punethok te Topa yõg putat hã' mõg, ha Topa te' xohix te xĩy mõ'kupix, pu mõg. 'Ãte xa hãm'ãktux'ax 'ãktux, xayĩy yãy yõg hãmyũmmũg pe'ãpaxeh hok. Ha Topa te hãm'ãktux xe'e', nũy yãy yõg tikmũ'ũn pu hãmyũmmũgã'.

2 Konĩn 3:14

Yã 'Iyaet yõg tikmũ'ũn te nõm putuk. Hõmã xix hõnhã 'Iyaet yõg tikmũ'ũn te' mõkupix Topa yõg pa'ax hittap yõg tappet, tu' pa te hãmyũmmũg 'ohnãg, yã topixxax te' pa yĩn mõ'nĩy putuk, yĩy ta hãm yũmmũg 'ohnãg. Ha ta tik kuxa mãm Kunnix kopah, tu' tihi Kunnix mũtik, hu' pa pip, tu hãmyũmmũg, ha 'ap xip'ah topixxax putuk, yã 'ũpa mõ'nĩy'ax xip 'ohnãg. Yã hãmyũmmũg.

'Epex 4:18

Hap-tox ka'ok, tu hãmyũmmũg 'ohnãg, tup-tup nõg, pu Topa 'ũhĩnnã', tu' yĩpkox 'ohnãg Topa pu', yĩy nõm kummuk xop nĩm, nũy kummuk mĩy'ax xop pe 'ãmõg hok.

'Epex 4:26

'Ãgãy, 'ĩhã hãpkummuk mĩy hok, pãyã 'ãxuxi', nũy 'ãmnĩy tox hã 'ãgãy hok.

'Epex 4:30

Topa Koxuk pu' hupmã hok, ka tu' kuxa hittup 'ohnãg. Yã Topa te xa yãy Koxuk nũ'kutnãhã', nũy tu hãm'ãktux xeh, nũy 'ãpẽnã max. 'Ap max'ah tikmũ'ũn te Topa Koxuk kuxa pu hupmã'. Yã 'ãpẽnã max xe'ẽgnãg, tu 'ãkuxa hittupmãhã', tu xa hãm'ãktux xex, xayĩy Topa yõg tikmũ'ũn. Yĩy Kunnix te 'ãmõgãp-tup pexkox tu', 'ĩhã hãptup xe'e mõ'nã'ax, ha Kunnix nũn, nũy yãy xape xop mõgã'.

'Emeo 3:10

Yĩk gãy nãm nõm tikmũ'ũn tu', tu: ‘Yã' kummuk pax, tu hãmpe'paxex kummuk, tu yõgnũ putat xak punethok, hãpkummuk mĩy hu',’

'Emeo 3:17

'Ũ 'ũm tu Topa gãy hãmyãxatamuk xohix te 40 hã ta tu' gãy? Yã tikmũ'ũn te hãpxopmã kummuk, hu' xakix hãm panip xexka tu'.

Apokalipse 6:16

tu yĩktix pu hãm'ãktux xix mĩkaxxap pu hãm'ãktux, hu: —'Ãpu 'ũgmũ yĩmũg nãy, nũy 'ũgmũ mõ'nĩy, nũy 'ũgmũ xaptop, puyĩy nõm tek mũg pẽnã hok nõm te' xat, yã nõm te mĩmpe yĩmũ' yũm, puyĩy Kahnẽn Kutok tek mũg yãnãn hok.