Mã'ak 2:12 - Maxakalí O Novo Testamento

¹² Hãpxip 'ohnãg 'ĩhã tik te hãpkumep hok yĩpxit, nũy pepi' xip, nũy yãy yõg tutpe pepi' xup, tu ta' mõg, ha tikmũ'ũn xohix te' pẽnãhã', tu' kuxa te' yẽy, tu Topa 'ãktux max, hu: —Tikmũ'ũn te hãpxopmã'ax nõy hã kaxĩy pẽnã 'ohnãg! Kaxĩy.

Mã'ak 2:12 Iomraidhean Croise

Mãteo 12:23

Ha tikmũ'ũn xohix kuxãnõg, tu' yĩkopit, hu: —'Ok nũ tik mõnãyxop Namix hã' mõkputox? Kaxĩy.

Mãteo 15:31

Ha tikmũ'ũn te' yẽy, 'ĩhã hãpkumep hok xop te hãpkumep, xi' pa hok xop te hãmpẽnãhã', xi' yĩy hok xop te hãm'ãktux, ha tikmũ'ũn te Topa pu hãm'ãktux, hu: —Topah, yã 'ãmax, 'ãmũn yã 'Iyaet yõg Topah, tu tikmũ'ũn hittupmãhã'. Kaxĩy.

Mãteo 9:33

ha Yeyox te yãmĩy xut, tu tu' mõ'kutnãhã', tu' xat pu mõg, 'ĩhã tik yĩy, tu hãm'ãktux. Ha tikmũ'ũn kuxãnõg, tu: —Tep te 'ũm nũhũ'? Yã hõnhã 'Iyaet yõg tikmũ'ũn te hãpxopmã ka'ok xe'ẽgnãg pẽnã hãmãxap. Hõmã 'ap pẽnã'ah. Kaxĩy.

Mãteo 9:8

Ha tikmũ'ũn te' pẽnãhã', tu kuxãnõg, tu Topa max 'ãktux. Yã Topa te tikmũ'ũn ka'ogãhã pu tu' nõy hittupmã'!

Mã'ak 1:27

ha tikmũ'ũn kuxa te' yẽy, tu' yĩkopit, hu: —Pute 'ũm? 'Ok tute hãpxop tup yũmmũgãhã'? Tute yãmĩy kummuk xat, ha' yĩpkox pip, nũy xupep. Kaxĩy.

Mã'ak 2:11

—'Ãpu 'ãyĩpxit, nũy pepi xihip, nũy 'õg tutpe pepi' xup, nũy ta mõg yãy pet hah. Kaxĩy.

Nok Te Yeyox 'Ãktux 13:13

Tu 'ũn yĩmũ' yĩm xex, ha' yok, tu Topa max 'ãktux.

Nok Te Yeyox 'Ãktux 17:15

Ha tik puxet yã hãpxexka Xãmãnit yõg, yã' puknõg, tu yãy xax tap max pẽnãhã', yĩ' putpu' nũn, tu' yĩy ka'ok, tu Topa max 'ãktux, 'ũhittup tu',

Nok Te Yeyox 'Ãktux 5:26

Ha tikmũ'ũn kuxãnõg, tu Topa max 'ãktux, hu: —Hõnhã yũmũ'ãte hãpxopmã max xe'ẽgnãg pẽnãhã'! Kaxĩy.

Nok Te Yeyox 'Ãktux 7:16

Ha' xohix kuxãnõg, tu Topa 'ãktux max, hu: —Topa te nũ tik yãykutnãhã', puyĩy yãy pupi hãm'ãktux, tu' nũn, nũy tikmũ'ũn pu hãm'ãktux, ha' xexkah! Topa nũn, nũy yãy yõg tikmũ'ũn mõ'nĩynãm. Kaxĩy.

Yoãm 7:31

Pa tikmũ'ũn punethok kuxa mãm ka'ok Yeyox kopah, tu: —Kunnix nũn, yã Topa te nõm yãykutnãhã', ha' nũn, tu hãpxopmã ka'ok xe'ẽgnãg. Yã Yeyox te' mĩy punethok te kaxĩy. Kaxĩy.

Yoãm 9:32

Hãm xexka yõg hãmyãxatamuk xohix xexka 'ĩhã tikmũ'ũn te hãpxopmã ka'ok xe'ẽgnãg 'ohnãg, yã nõm putuk 'ohnãg. 'Ok xate' xupak tikmũ'ũn te' pa mĩy, nõm nãhã, hu ta pa hok? 'Ãmhok.

Yeyox Yõg Mõ'pok Xop Te Hãpxopmãhã' 4:21

Ha tik hittup yõg hãmyãxatamuk te 40, yĩy tikmũ'ũn xohix te Topa 'ãktux max, hãpxopmã ka'ok xe'ẽgnãg hah, ha' xexka xop te Pet xũygãp-tup, xix Yoãm, pãyã tikmũ'ũn yĩpkutuk, hu' mĩy 'ok pa' gãy, tu Pet xupepmãhã xix Yoãm.