Yeyox Yõg Mõ'pok Xop Te Hãpxopmãhã' 27:1 - Maxakalí O Novo Testamento

¹ Ha Paot mõgãp-tup hãpxexka 'Itat tu' (hak mũn Nok te xe kax'ãmi', tuk mõg Paot mũtik), mĩpkox hãk mũg mõg, nõm mĩpkox te kõnãg yĩmũ' mõg, ha xonat xop te 100 yõg kapitãm te Paot pẽnãnã' xip, tu' kãy nõy xop pẽnãhã kamah, yã Kapitãm Yot te xonat xop 'Ĩpet yõg.

Yeyox Yõg Mõ'pok Xop Te Hãpxopmãhã' 27:1 Iomraidhean Croise

Mãteo 27:54

Hãpxexka Hõm yõg kapitãm xip, yã' puknõg, xix xonat xop te pẽnãnã' pip, tu hãpxopmã'ax xe'ẽgnãg xohix pẽnãhã', xix hãm yãynuhuk pẽnãhã', tu kuxãnõg, tu: —Yã hamũn yã Topak-tok xe'ẽgnãg! Kaxĩy.

Nok Te Yeyox 'Ãktux 23:47

Ha xonat xop yõg kapitãm te Topa max 'ãktux, tu: —Yamũn! Nũ tik te hãpkummugã 'ohnãg! Kaxĩy.

Nok Te Yeyox 'Ãktux 7:2

ha tik puxet yã Hõm yõg gohet hã kãmãnat, ha' hãm max, yĩy' xat'ax tep-tup pax, ha' pakut, tu' xok putũmnãg,

Yeyox Yõg Mõ'pok Xop Te Hãpxopmãhã' 10:1

Ha tik puknõg 'ũm 'ãxet'ax Kohnẽn, tu kõmẽn xexka Xeyanet kopa' pet, tu 'Itat yõg xonat xop hã kapitãm.

Yeyox Yõg Mõ'pok Xop Te Hãpxopmãhã' 10:22

Ha' nõy te: —'Ãhak nũn. Kapitãm Kohnẽn tek mũg nũ'pok, yã' mãx, tu hãmyok mĩy, tu Topa xak, tu' kuxa te' yẽy Topa keppah, ha 'Iyaet yõg tikmũ'ũn xohix te nõm putup pax, ha pexkox yõg nũ'kutnã'ax te' xat, hãk mũg nũ'pok, ha 'ãxãnãhã', pu Kohnẽn pet ha mõg, 'ũyĩy 'ognũ hãm'ãktux'ax 'ũm 'ãpax. Kaxĩy.

Yeyox Yõg Mõ'pok Xop Te Hãpxopmãhã' 16:10

Hãpxip 'ohnãg 'ĩhã Paot koxuk te' pẽnã kux, hak mũg mõg putup Mãxenõn tu', tu hãmpe'paxex, hu: “Topa tek mũg xãnãhã', 'ũ Yeyox yõg hãm'ãpak max'ax 'ãktux Mãxenõn yõg tikmũ'ũn pu',” kaxĩy. (Hak mũn Nok te kax'ãmi'.)

Yeyox Yõg Mõ'pok Xop Te Hãpxopmãhã' 18:2

Ha Põ'õn yõg Yoneo xip, 'ãxet'ax 'Ak, xi' xetut Pinixit, tu hãpxexka 'Itat tu' tihi', tu hãpxip kutõgnãg nũn. Hõmã hãpxexka Hõm yõg tik te tikmũ'ũn xat'ax Kanao Xex te Yoneo xop nũmãhã', ha hõnhã Paot mõg 'Ak hah, xi' xetut hah.

Yeyox Yõg Mõ'pok Xop Te Hãpxopmãhã' 19:21

Ha hãpxip kutõgnãg 'ĩhã Paot mõg putup Yenoyanẽn tu', Mãxenõn kotit hã' mõg putup, xix hãpxexka 'Akax kotit hã' mõg putup, tu hãm'ãktux, hu: —Yenoyanẽn tuk mõg, nũy mõy tu 'ãpep, tuk-nãy tu 'ãte Hõm pẽnãp-tup kamah. Kaxĩy.

Yeyox Yõg Mõ'pok Xop Te Hãpxopmãhã' 21:32

Ha xonat xop yõg Kononeo te xonat xop xat, xix kapitãm xop, ha' nũn mõ'ak'ok, ha Yoneo yõg tikmũ'ũn te' pẽnãhã', hu Paot kix kux.

Yeyox Yõg Mõ'pok Xop Te Hãpxopmãhã' 22:26

Ha xonat xop yõg Kapitãm te' xupak, tu Kononeo pu hãm'ãktux, hu: —Nãy, paxip. Putep mũn mĩy putup? Kãy yã Hõm yõg tihik! Kaxĩy.

Yeyox Yõg Mõ'pok Xop Te Hãpxopmãhã' 23:11

'Ãmnĩy koxtap 'ĩhã Yeyox xip Paot yĩka', tu: —'Ãkuxãnõg hok! 'Ãmũn tek mũn pupi hãm'ãktux, tu 'ũgmũn 'ãktux putup kõmẽn Yenoyanẽn tu', xix hãpxexka Hõm tu kamah. Kaxĩy.

Yeyox Yõg Mõ'pok Xop Te Hãpxopmãhã' 23:17

ha Paot te xonat yõg Kapitãm xãnãhã', hu: —Nũ tik tuktup mõgã 'ãxop yõg Kononeo hah, puyĩy hãm'ãpak'ax 'ãpax. Kaxĩy.

Yeyox Yõg Mõ'pok Xop Te Hãpxopmãhã' 24:23

Tu' xat, ha Paot xix mĩptut kopah, pu xonat pẽnã', pãyã hãpkumep mĩptut xexka kopah, tu hãpxopmãp-tup, puxi' mĩy, ha' tux hok kamah pu' xape xop pẽnã', nũy hãpxop 'ũm popmã Paot pu'.

Yeyox Yõg Mõ'pok Xop Te Hãpxopmãhã' 25:12

Ha Pex te' xexka xop mũtik hãm'ãktux hã' nõy yãnãn, ha hãm'ãktux kux, tu Paot pu hãm'ãktux, hu: —Xate Xex mũn putup, hu Xex ha 'ãmõg. Kaxĩy.

Yeyox Yõg Mõ'pok Xop Te Hãpxopmãhã' 25:25

Ha 'ãte' yĩkopit, ha hãpkummuk xexka 'ũm mĩy 'ohnãg, pup-tex, ha yũmũg xat'ax xexka Xex mũn putup, pu' yĩkopit, yĩy Xex ha 'ãte mõ'kutnãp-tup.

Yeyox Yõg Mõ'pok Xop Te Hãpxopmãhã' 27:11

Pãyã Kapitãm Yot te hãmpe'paxex, hu: —Paot te mĩpkox mõg'ax yũmmũg kutõgnãg, pa mĩpkox xuxyã te' yũmmũg xexka', xix mĩpkox yõg tik mõgã'ax. Kaxĩy. Hu' yĩpkox pip 'ohnãg Paot pu'. Ha mĩpkox xuxyã xi' mõgã'ax mõg putup.

Yeyox Yõg Mõ'pok Xop Te Hãpxopmãhã' 27:43

pãyã xonat yõg Kapitãm te Paot putup pax, tup-tex putup'ah, hu' xat hok, pu nõm xop kix hok, tu xe' xat, pu kõnãg tu tuk-nĩhãm mõg.

Yeyox Yõg Mõ'pok Xop Te Hãpxopmãhã' 27:6

Ha xonat yõg Kapitãm te kõmẽn 'Anexãnit yõg mĩpkox xipihi', ha' nũn, tu hãpxexka 'Itat ha' mõg putup, hak mũg mõg nõm mĩpkox hã.

Yeyox Yõg Mõ'pok Xop Te Hãpxopmãhã' 28:1

Hak mũg nũ'paha', tu hãm 'ũm yũmmũg, ha hãmyĩn yũm 'ãxet'ax Mãot.

Yeyox Yõg Mõ'pok Xop Te Hãpxopmãhã' 28:16

Tu Hõm kopak mũg mõxaha', ha Paot te xonat puxehnãg mũtik tihi mĩptut kopah, pu pẽnãnã' xip. Ha Paot te mĩptut xuxyã pu tayũmak hõm nũy mĩptut kopa 'ãti'.

'Emeo 13:24

'Ãpẽnã max'ax xop xohix pu 'ãneo, xix Topa yõg tikmũ'ũn xohix pu 'ãneo. Hãpxexka 'Itat yõg yũmũg xape xop te 'ãneo kamah.