2 Konĩn 1:3 - Maxakalí O Novo Testamento

³ 'Ãpu yũmũ Topa pu hãm'ãktux, yã yũmũg xuxyã Yeyox Kunnux mũktak max pu hãm'ãktux, hu: —Xatek mũ'ã hã 'ãtehe'. Yã 'ãmax. Kaxĩy. Hamũn, yũmũ yõg tak Topa te yũmũg pẽnãhã', tu yũmũg kuxa ka', tu tikmũ'ũn xohix xexka hã' tehe'.

2 Konĩn 1:3 Iomraidhean Croise

Yoãm 10:30

Yõgnũ 'ãtak 'ũxexka xik mũn yã yãy putuk. Kaxĩy.

Yoãm 20:17

Ha Yeyox te: —'Ãpu 'ũgmũg hok. Yãg mõg putup putpu' yõgnũ 'ãtak hah. 'Ãpu mõg 'ũkxape xop hah, nũy hãm'ãktux 'ũgmõg yãy yõg 'ãtak hah, yã 'õgnũ, yã yõgnũ Topa, yã 'õgnũ. Kaxĩy.

2 Konĩn 11:31

'Ũxip Topa yã yũmũg xuxyã Yeyox mũktak. 'Ũmax xe'ẽgnãg Topah, tu yõg hãmyãxatamuk xohix kux 'ohnãg. Tute' yũmmũg 'ãte' koit 'ohnãg.

2 Konĩn 7:6

Pa Topa te tikmũ'ũn kuxa hittupmãhã', tuk mũg kuxa hittupmãhã kamah. Yã Tit nũn, nũy 'ũgkuxa hittupmã'.

'Epex 1:17

Tu Topa tu' xak, 'õhõm yã yũmũg Tak, tu' max xe'ẽgnãg, yã yũmũg xuxyã Yeyox Kunnix yõg Topah, ha tu' xak, puyĩy Topa Koxuk 'ãha mõ'kutnã', nũy xa hãmyũmmũgã', xa Topa tu yũmmũg xe'e'.

'Epex 1:3

'Ãpu yũmũg xuxyã yõg 'Ãtak Topa pu hãm'ãktux, hu: “'Ãmax Topah,” kaxĩy. Yã yũmũg xuxyã Yeyox Kunnix yõg 'ãtak, tu yũmũ'ã ha hãmmaxnãhã', yã yũmũg kuxap-xet Kunnix kuxa mũtik, yĩy Topa te hãmmaxnãhã', tu yũmũ'ã popmãhã pexkox yõg hãpxop xohix.

Pinipẽn 2:11

nũy Yeyox Kunnix 'ãktux yãy xuxyãp-xet, nũy yũmũg 'Ãtak Topa xexka 'ãktux.

Konoxẽn 1:3

'Ũgmũ'ãte yũmũg Tak Topa max 'ãktux, 'ĩhã nõm pu hãm'ãktux 'ãxop 'ãxape xop pupi', yã Topa te yũmũg xuxyã Yeyox Kunnix hã' Tak.

1 Pet 1:3

'Ãpu yũmũ yũmũg xuxyã Yeyox Kunnix mũktak pu hãm'ãktux, hu: “Xate yũmũ'ã maxnãhã'. 'Ãmax”. Kaxĩy. Topa te yũmũg kuxa ka xexka', tu Yeyox Kunnix putpu' hĩnnãhã', nũy yũmũ'ã kuxa tup popmã'. Yũmũg kuxa 'ũtup, hu' max hip punethok.

2 Yoãm 1:4

Tikmũ'ũn te 'ãxop 'ãktux, yã 'ãk-tok te hãmyok mĩy, ha tikmũ'ũn te' xuktux, ha kaxĩy yũmũg Tak Topa te yũmũg xat, yĩk kuxa hittup.

2 Yoãm 1:9

Kunnix te hãmyũmmũgãhã', yã' puxi', pa tikmũ'ũn te hãmyũmmũg putup xũy, hu yãy pu hãmyũmmũg'ax puknõg yũmmũgãhã', puxix Topa nõm tikmũ'ũn mũtik tu ti hok. Pa tikmũ'ũn te hãmyũmmũg'ax 'ãpax, puxix Topa nõm mũtik 'ati', hak-tok te nõm mũtik tihi'.