Mateo 11:14 - U Maganda A Baheta Ni Jesu-Cristo

¹⁴ Sakay ni maniwala kam tu kagiyán ko, ti Juan ay ti Elias a dati dán a nehula tu kasulatan a magsoli a huway.

Mateo 11:14 Iomraidhean Croise

Lukas 1:17

Mágdipalongo ti Juan tu Panginoon, u begsák sakay u kapangyariyan na ay konna ni prupeta a Elias, para pamágkasunduwán na a huway u ama, sakay u anak de hide. Pasoliyán na u tolay hide a masássuwayán tu Panginoon tu págsunud tu paraan a makasaya tu Diyos tánni makapaghanda hide tu káddemat nu Panginoon.”

1 Corinto 3:2

U itoldu ko nikam ay nebagay tu bigu hide a mánnampalataya dipo awan moy palla kaya a maintendiyan u toldu hide a mangpabegsák tu pánnampalataya moy. Pero maski nadid ay awan moy palla kaya. Kumán a gatas u inyatád ko nikam, bakán a maigát a makan, dipo awan moy palla iye kaya.

Juan 16:12

Makpalák pa nakwa a kagiyán nikam, pero awan moy palla kaya a intendiyán nadid.

Pahayag 20:4

Káttapos ay naketaák ti makpal a trono, sakay u mággetnod hide hod ay naatádden ti karapatan a maghatul. Sakay netan ko be u kaliduwwa nu pinutulan hide dipo tu págpatunay de tungkul ni Jesus sakay tu págpahayag de tu Upos nu Diyos. Awan hide simmamba tu makaánteng a hayup sakay tu rebulto na, sakay awan hide nagpatatak tu tatak nu makaánteng a hayup tu kidáp de oni tu kamát de. Biniyag hide tán mákapaghare hide a kaguman ni Cristo tu alay nu sanglibu a taon.

Mateo 11:13

Dipo bagu ti Juan a dumemát ti munduwáy ay nagtoldu u Kasulatan tungkul tu kahariyan nu Diyos.