Markos 5:15 - U Maganda A Baheta Ni Jesu-Cristo

¹⁵ Tu káddemát de tu kán Jesus ay netan de u lállake a sináddáp ni madukás a ispirito a mággetnod nakabadu dán sakay mahusay dán siya. Nikuna a ketan nu tolay hide ay nanteng hide.

Markos 5:15 Iomraidhean Croise

Mateo 12:29

Awan mo masáddáp sakay mapagtakawan u bilay nu essa a makapangyariyan a tolay ni hanggan awan mo siya mapungo. Ni mapungu mu dán siya ay maari mu dán a mapagtakawan u bilay na.

Mateo 26:53

Awan mo beman tukoy a makaagedák tu Ama ko ti libo libo a anghel hide sakay paangayan na hide a pagdaka?

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Mateo 9:33

Kanya pinalayas ni Jesus u demonyo sakay pagdaka a nakaupos u tolay. Minagtaka u tolay hide sakay kinagi de “Sapul tu itod ay awan padla iye nangyare ti Israel.”

Markos 5:14

U mággalaga hide tu babuy ay nággaginanán hide a patamo tu banuwan tu babaryo sakay imbaheta di hod u nangyare. Kanya immangay hod u tolay hide para ilingán de u nangyare.

Markos 5:16

Imbábbaheta nu tolay hide u netan de a nangyare tu lállake a date a sináddáp nu mágkadukás hide a ispirito sakay tu kababuyan.

Markos 5:18

Nikuna a sumakay dán ti Jesus tu abang ay nákkekagbi nikuna u lállake a date a sináddáp ni mágkadukás a ispirito a kuyugán na siya,

Markos 5:4

Sangan di dán siya a beses a igapus ti kadena tu kamát na ay tu tikád na, pero bágsot-bágsután nala. Awan dán ti makabilod nikuna.

Markos 5:9

Tinanung siya ni Jesus, “Ánya ngahan muwáy?” “Kakáppalan, u ngahan ko dipo makpal kame,” kagi na.

Lukas 10:39

sakay tehhod siya a wadi a Maria u ngahan na. Nággetnod siya tu atubang nu Panginoon sakay nágsaneg tu intáttoldu na.

Lukas 8:27

Káawas ni Jesus tu abeng ay tinagbu siya nu lállake a taga hod a sináddáp ni madukás a ispirito. Nalay dán siya hod a obba sakay mámmágyan dán tu paglábbangngan dipo umád na be a mágyan tu bilay de.

Colosas 1:13

Inligtas na kitam tu kapangyariyan nu kadiklámman sakay inyagton na kitam tu kahariyan nu pinakamamahal na a Anak.

2 Timoteo 1:7

Dipo u Banal a Ispirito a inyatad nikitam nu Diyos ay bakán a ispirito nu ánteng nan Ispirito nu kapangyariyan, págmahal sakay págpugád ti sadile.