Markos 10:2 - U Maganda A Baheta Ni Jesu-Cristo

² Tu itod u Pariseo hide ay immangay hod nikuna para purbaan de siya. Kanya nagtanung hide, “Ayun beman tu Kautusan a hiwalayan nu lállake u kabanga na?”

Markos 10:2 Iomraidhean Croise

Mateo 15:12

Mamayamaya ay immadene u disepulus hide ni Jesus nikuna sakay kinagi de “Nasakitan u Pariseo hide tu kinagi mo.”

Mateo 16:1

Essa aldew immadeni ni Jesus u sasangan a Pariseo sakay Saduseo hide. Gusto de a purbaan ti Jesus kanya kinagi de a mángpeta siya ti essa a tanda a gábwat ti langet.

Mateo 19:3

Te sangan a Pariseo hide a immadeni nikuna sakay pinurbaan di siya tu pamamagitan nu tanong a iye “Neayon beman tu Kautusan a sumina u lállake tu kabanga na ni maski anya a dahilan?”

Mateo 22:35

Sakay essa nide a malalaki tu Kautusan, u nagtanung ni Jesus para purbaan siya.

Mateo 23:13

Nadid pinagkagiyan ni Jesus u maisto hide nu Kautusan ni Moises sakay u Pariseo hide, “Kakagbi kam! Mapagkunware kam! Hadlangán moy u tolay hide para awan hide mapaghariyán nu Diyos. Umád moy a magpasakop tu pághare nu Diyos ay hadlangan moy pa u masoh a magpasakop!

Mateo 9:34

Pero kinagi nu Pariseo hide “Makapalayas siya ti demonyo dipo inatádden siya ti kapangyariyan ni Satanas u hare nu demonyo hide.”

Markos 10:1

Nadid ay limmakad di Jesus ti Capernaum, immangay hide tu lugar a Judea, sakay immahabes ti Jordan. Makpal dámman a tolay u inumangay hod nikuna, sakay konna tu date na gággimitán, tinolduwan na hide.

Markos 10:3

Tinanung be hide ni Jesus, “Ánya beman u inyutus nikam ni Moises?”

Markos 8:11

Nikuna a nasaneg nu Pariseo hide ti Jesus a dimmemát ay immangay hod hide a nákpagpasuwayan nikuna. Dipo pilitán de siya a mángpeta ti makataka-taka a mangpatunay a pinaangay he siya nu Diyos, dipo gusto de siya a purbaan.

Markos 8:15

Kinagi nide ni Jesus, “Magingat kam tu págpaalsa nu Pariseo hide sakay ti Herodes.”

Lukas 11:39

Kinagi nikuna nu Panginoon, “Hikam a Pariseo hide, áugisan moy u luwas nu baso sakay u penggan pero u puso moy ay makasadile sakay putat ti kadukássan!

Lukas 16:14

Nikuna masaneg iye nu Pariseo hide ay kinatawaan de ti Jesus dipo masássohan hide ti pilak.

Lukas 5:30

Nágganasasan u Pariseo hide sakay u maisto hide nu Kautusan. Kinagi de tu disepulus hide ni Jesus, “Bakin mákpággatubang kam a kuman sakay uminom ti mágsinge he hide ti buwes sakay tu agum pa hide a makasalanan?”

Lukas 6:7

Binábbantayan nu maisto hide nu Kautusan sakay nu Pariseo hide ti Jesus, ni magpapiyya siya tu aldew nu Káimang tánni tehhod hide a mesihe nikuna.

Lukas 7:30

Pero u Pariseo hide sakay u maisto hide nu Kautusan ay timmanggi tu kagustuwan nu Diyos tu biya-biyag de, dipo umád de a nagpabawtismo ni Juan.

Juan 11:47

Kanya impadulaw nu pinuno nu Saserdote hide, sakay nu Pariseo hide u atanan a mágkataas a miyemro nu Judio hide. Sakay nikuna a naipun dán hide ay kinagi de, “Ánya u gimitán tam? Makpal a makataka-taka u ginimet ni tolayan iye.

Juan 11:57

Ti itod a panahun ay inyutus nu pinuno nu Saserdote hide sakay nu Pariseo hide a ikagi ni ti deya man u makatukoy ni hádya ti Jesus para madakáp de siya.

Juan 7:32

Nikuna a nasaneg nu Pariseo hide u pamágguhunan nu tolay hide tungkul ni Jesus, u pinuno nu Saserdote hide ay nagutus ti guwardiya tu templo para dakáppán ti Jesus.

Juan 7:48

Tehhod kam dám beman a netan a pinuno nu Pariseo hide a maniwala nikuna?

Juan 8:6

Intanung di iye para subukán dila ti Jesus, dipo magehyok hide ti mebintang de a kontara nikuna. Pero dimmukog la ti Jesus sakay nagsulat tu luta tu pamamag-itan nu toldu na.

1 Corinto 10:9

Dyan tam purbaan u Panginoon a konna tu ginimet nu agum nide. Kaya natay hide tu kamandag nu kabiklatan.