Lukas 8:10 - U Maganda A Baheta Ni Jesu-Cristo

¹⁰ Timmábbeg ti Jesus nide, “Inatádden kam nu Diyos ti karunungan tán matukuyan moy u lihim hide tungkul tu pághare na. Pero u agum ay tu pamamag-itan nu talinhaga hide tánni: ‘Maski umileng hide ay awan hide ti ketan; sakay maski mágsaneg hide ay awan hide ti maintendiyan.’ ”

Lukas 8:10 Iomraidhean Croise

Mateo 11:25

Sakay ti itona be a panahun ay nanalangin ti Jesus “Amáng, u Panginoon ti langet sakay ti munduway, magpasalamaták niko dipo awan mo impakapospos u kalooban mo tu mágkalalake hide pero impakapospos mo tu mapagpakumbaba hide.

Mateo 16:17

Kinagi nikuna ni Jesus, “Pinagpala ka Simon a anak ni Jonas! Dipo iye a karunungan ay awan intoldu niko ni ti deya man a tolay nan impakapospos iye niko nu Ama ko a atoy ti langet.

Markos 4:11

Kinagi nide ni Jesus, “Nepagkaluub nikam u karapatan a matukuyan u lihim tungkul tu pághare nu Diyos, pero tu agum ay nekagi iye tu pamamag-itan nu talinghaga.

Markos 4:12

Tánni, ‘Maski ketan de ay awan di pade maintendiyan, sakay makánsanigán man hide ay awan hide makaintendi. Dipo ni makaintendi nakwa hide ay nagsise hide tu kasalanan de hide sakay napatawad nakwa hide.’”

Juan 12:40

“Hikán a Diyos binuhák ko u mata-mata de sakay pinaigát ko u puso de, tán awan maketa u mata-mata de sakay awan makaintende u isip de, dipo makay magsole hide nikán, sakay pagpiyyaán ko hide.”

Roma 16:25

Sakay nadid, puriyán tam u Diyos a siya u makapangpatibay tu pánnampalataya moy ayun tu Maganda a Baheta a intoldu ko nikam. U Maganda a Baheta a iye ay tungkul ni Jesu-Cristo, a nelihim tu nalay dán a panahun,

1 Corinto 12:11

Eessa la a Ispirito u náng-atád ti iye a atanan, sakay ibahagi na iye tu balang essa ayun tu kagustuwan na.

Colosas 2:2

Gággimitán ku iye para pabegsákkán takam a atanan sakay pagkaessaán a magmahalan tu balang essa. Tánni matukuyan sakay maintendiyan moy ti husto u plano nu Diyos a inlihim na tu itod tungkul ni Cristo.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.