Lukas 7:6 - U Maganda A Baheta Ni Jesu-Cristo

⁶ Kanya nákkuyog nide ti Jesus, pero nikuna adene dán siya tu bilay ay inpatagbu siya nu kapitan tu barkada na hide, sakay impekagi na iye ni Jesus, “Panginoon, pekagi ben ni kapitan a dyan ka kan dálla magabala a angay tu bilay na dipo awan kan siya karapat-dapat a angay mo bisitaán.

Lukas 7:6 Iomraidhean Croise

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Mateo 3:11

Bawtismuwan ko ti dinom u tolay hide bilang tanda nu págsisi de pero u Tagapagligtas a dumemát ay mas makapangyariyan nan nikán. Awanák pa ngane karapatdapat a magin utusan na a tagatawed nu sapatus na. Siya u magbawtismo nikam tu Banal a Ispiritu sakay tu apoy.

Markos 5:24

Nákkuyog nikuna ti Jesus. Pero immunonod be nikuna u tuna't kakpal a tolay, kanya halus maáldit dán siya.

Lukas 5:8

Pákketa ni Simon Pedro tu nangyare ay limmuhud siya tu atubang ni Jesus sakay kinagi na, “Adeyuwanák mo Panginoon, dipo makasalananák a tolay.”

Lukas 7:4

Káddemát de tu kán Jesus ay nákkekakagbi hide nikuna, kinagi de, “Dapat la a tulungan mo ti kapitan,

Lukas 7:5

dipo mahal na u bansa tam sakay nangpagimet na kitam pa ngane ti sinagoga.”

Lukas 7:7

Sakay awan kan be siya karapat-dapat a umatubang niko. Pero ni kagiyán mo kalla a magpiyya u alipin na ay tahod a magpiyya siya.

Lukas 8:49

Mentaras a magupos ti Jesus ay dimmemát u essa lállake a gábwat tu bilay nu tagapangasiwa. Kinagi na, “Patay dán u anak mo! Dyan mu dán abalaán i maistuwe.” Kagi na ni Jairo.

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Santiagu 4:10

Magpakababa kam tu atubang nu Diyos tánni ilangkaw na kam.

Santiagu 4:6

U tatahoden ay tunay ti kadakál u kagbi nu Diyos nikitam kanya tulungan na kitam, konna tu nesulat tu Kasulatan, “Kadima nu Diyos u palalo hide pero kagbiyan na u mapagpakumbaba hide.”