Lukas 7:13 - U Maganda A Baheta Ni Jesu-Cristo

¹³ Pákketa nu Panginoon tu ina nu natay ay minahabag siya nikuna, kaya kinagi na nikuna, “Dyan ka dán magsanget.”

Lukas 7:13 Iomraidhean Croise

Markos 8:2

“Mahabagák ti tolayáy hide, tállu dán hide a aldew a kaguman ko sakay awan dán hide ti makan.

Lukas 10:1

Nadid, káttapos ni itod ay nángpile dámman u Panginoon ti pitto a pulo ay ti duwwa a disepulus. Sakay pinágdipalongo na hide ti tágdaduwwa a umangay tu balang banuwan sakay tu lugar a angayan na.

Lukas 11:1

Nadid, ay nagdasal ti Jesus tu essa a lugar. Káttapos na ay kinagi nu essa tu disepulus na hide, “Panginoon, tolduwan mo kame ped a magdasal, konna tu ginimet ni Juan tu disepulus na hide,”

Lukas 11:39

Kinagi nikuna nu Panginoon, “Hikam a Pariseo hide, áugisan moy u luwas nu baso sakay u penggan pero u puso moy ay makasadile sakay putat ti kadukássan!

Lukas 12:42

Timmábbeg u Panginoon, “Ni deya u tapat sakay malalake a alipin ay siya i páng-intregaanay nu amo na tu kasabilay na hide ni tehhod siya a angayan. Siya i nakabahalaay a mangatád ti makan tu agum hide a utusan tu tama a odas.

Lukas 13:15

Kanya tinábbeg siya nu Panginoon, “Hikam a magkukunware hide! Awan beman magtarabaho kam be tu Aldew nu Káimang? Agen moy ben okbisan tu nagulaan moy u baka oni asno moy sakay angay moy painumán tu áinuman de maske tu Aldew nu Káimang, awan beman?

Lukas 17:5

Kinagi nu disepulus hide ni Jesus, “Dagdagan mu ped pánnampalataya miyáy!”

Lukas 17:6

Pero timmábbeg ti Jesus, “Ni te pánnampalataya kam nakwan dálla a konna tu kadakál nu bukál nu mustasa ay maare moy dán a makagi ti kayuwáy a sikomoro a, ‘Mabotbot ka sakay memula ka ti diget ta atod!’ sakay sumunud iye.

Lukas 18:6

Káttapos ay kinagi ni Jesus, “Nasaneg moy u kinagi ni madukássan itod a huwes!

Lukas 19:8

Timmaknág ti Zaqueo sakay kinagi na, “Panginoon, iyatád ko tu mágkahirap hide u kalahate nu kabiyagen ko. Sakay ni deya man u nadaya ko ay pumen-áppat ko a bayadan.”

Lukas 22:61

Simmuleg u Panginoon ni Pedro sakay lináttángngan na siya. Kaya naisip ni Pedro u kinagi nu Panginoon a, “Bagu a magtarákket u tandang ti aldiwan iye ay pumentálluwák mo a ipamen.”

Lukas 24:3

Pero kássáddáp de ay awan de netan u bangkay ni Jesus.

Lukas 24:34

Kinagi de tu duwwa, “Tatahoden bál a nabiyag a huway u Panginoon! Pimmeta siya ni Simon!”

Lukas 7:12

Nikuna adene dán siya tu banuwan ay natagbu na u maglábbáng hide tu kaessa-essa a anak a lállake nu bilo a bábbey. Makpál u mákpaglábbáng.

Lukas 7:14

Immadene siya sakay kinahap na u kabaong, kaya immimang u magusung hide. Kinagi ni Jesus, “Ulito kagiyan ko niko, umikat ka!”

Lukas 7:19

sakay dinulaw ni Juan u duwwa tu disepulus na hide sakay pinaangay na hide tu Panginoon para magtanung ti konna he, “Hiko dán beman u impananto nu Diyos a dumemát, oni maguhay kame pa ti agum?”

Lukas 8:52

Sangitan dán u atanan a tolay a katoy hod. Pero kinagi ni Jesus, “Dyan kam magsanget dipo awan siya patay, nan tidug la.”

Juan 11:2

Ti Maria u nángbulak tu pasáppot tu tikád ni Jesus sakay káttapos ay pinahiden na tu buuk na. Sakay dipo nagkasakit ti Lazaro,

Juan 11:3

ay impauwet nu matkaka ti Jesus kinagi de a, “Panginoon te saket u mahal mo a amigu.”

Juan 20:13

Tinanung de ti Maria, “Bakin a magsanget ka?” Timmábbeg siya, “Te nangalap tu Panginoon ko, awan ko tukoy ni hádya de a inyangay.”

Juan 20:15

“Bakin magsanget ka?” Kagi nikuna ni Jesus. “Ti deya u ehyukán mo?” Tu buung akala na a siya u magmula hod ay timmabbeg ti Maria, “Maisto, ni inalap mo u bangkay nu Panginoon ko, itoldu mo nikán ni hadya mo a inyangay ta alapán ko siya.”

Juan 4:1

Nadid, nabaheta nu Pariseo hide a mas makpal dán a naakit ti Jesus sakay makpal dán u nabawtismuwan na nan ti Juan.

Juan 6:23

Kanya ehyukán de ti Jesus. Nadid, te dimmemát a abang a gábwat ti Tiberias dimmung hide tu kinanan nu tolay hide tu tinapay a impasalamat nu Panginoon.

1 Corinto 7:30

Dyan moy pabayan a u págluksa, págsaya, sakay pati be tu págbale ti ari-ariyan u magin dahilan nu káadág moy tu págserbi moy tu Diyos.

1 Tesalonica 4:13

Kákkapátkákka mi hide, gusto me a matukuyan moy ni ánya u mangyare tu mánnámpalataya hide a nágkatay dán, tánni awan kam maglungkut a konna tu tolay hide a awan ti pag-asa.

Hebreo 2:17

Kaya kailangan a mepareho ti Jesus tu kákkapatkákka na hide tu atanan a paraan, tánni magin pinakapuno a saserdote a makákkagbiyán sakay matapat a magserbi tu Diyos sakay magalay para tu kapatawaden nu kasalanan nu tolay.

Hebreo 4:15

Maintendiyan kitam nu pinuno tam a Saserdote tu kahinaan tam hide. Dipo napurbaan na be a tinokso tu atanan a paraan, konna nikitam, pero maski nikan ay awan siya nagkasala.