Lukas 3:8 - U Maganda A Baheta Ni Jesu-Cristo

⁸ Ni talaga a nagsisi kamon tu kasalanan moy hide ay ipeta moy iye tu gimet moy hide! Dyan kam umasa a dipo gábwat kam tu lahe ni Abraham ay awan kamon maparusaan. Kagiyán ko nikam, makagimet u Diyos ti tunay a lahe ni Abraham tu pamamag-itan ni iye hide a bito.

Lukas 3:8 Iomraidhean Croise

Mateo 21:43

Kaya ngane kagiyan ko nikam: Bakán dán a hikam u pághariyan nu Diyos ni awan u bansa a magserbi nikuna ti matapat.

Mateo 3:8

Ipeta moy u págsisi moy tu pamamagitan nu págsunud moy tu Diyos.

Mateo 3:9

Sakay dyan moy be isipán a makaligtas kam tu parusa nu Diyos dipo lahe kam ni Abraham. Dipo ikagi ko nikam a kaya nu Diyos a gimitán i bituwáy hide a magin lahe ni Abraham.

Lukas 13:25

Kapag insiradu dán nu makábbilay u pintuwan ay awan nakamon pasáddáppán maski ni mákkekakagbi kam pa a mágtatoktokán, maski pa ni kagiyán moy a, ‘Panginoon, kagbiyan mu kami pay a pasáddáppán.’ Pero tábbegan nakam ti konna he, ‘Awan takam matengge!’

Lukas 13:26

Kaya kagiyán moy be a, ‘Kaguman mo kame a kimman sakay imminom sakay nagtoldu ka pa tu banuwan me.’

Lukas 14:9

Dipo mepasanike kam la ni adeniyan kam nu nagakit nikam sakay kagiyán na nikam a, ‘Pággetnudán muped i tolayáy ti paggetnudan muwe!’ Kaya meangay ka pa tu pinakamababa a pággetnudan.

Lukas 19:40

Timmábbeg ti Jesus, “Kagiyán ko nikam, ni mara tumahimik hide ay u bito dán u lumewas a magpákhaw ti papure.”

Lukas 19:9

Sakay kinagi ni Jesus nikuna, “Dimmemát nadid u kaligtasan ti sabilayan iye dipo te patunay a itolayan iye ay lahe labe ni Abraham.

Lukas 5:21

U maisto hide nu Kautusan sakay u Pariseo hide ay nággisip-isip sakay namágguhon-uhon hide, “Deya ben iye a tolay a magkukunware a Diyos? Awan beman Diyos la i maariyay a magpatawad ti kasalanan?”

Juan 8:33

Timmábbeg hide ni Jesus, “Gábwat kame tu lahe ni Abraham, maski nikan ay awan kame nagin alipin ni deyaman. Kodya mo a makagi a palayaán kame?”

Juan 8:39

Kinagi nu tolay hide, “Ti Abraham u ama me!” Timmábbeg ti Jesus, “Ni tatahoden a anak kam ni Abraham ay inaheg moy nakwa u mágkaganda na a gimet.

Gimet 26:20

U purumero ko a nangaralan ay ti Damasco, káttapos ay ti Jerusalem sakay tu buu a Judea hanggan tu Hentil hide. Inpangaral ko a kailangan hide a magsise sakay magpasakup tu Diyos sakay ipeta de tu gimet de a nagsise dán hide.

Roma 4:16

Kanya u pananto nu Diyos ay nakabase tu pánnampalataya, tánni iye ay magin págpapala sakay talaga a matanggap nu atanan a lahe ni Abraham, bakán la tu Judio hide a timmanggap tu Kautusan, nan maske tu bakán hide a Judio a mánnampalataya a konna ni Abraham dipo siya u ama tam a atanan.

Roma 9:7

Sakay awan atanan a gábwat ni Abraham ay meturing a anak na. Dipo kinagi nu Diyos ni Abraham, “U gábwat la ni Isaac u ibilang a lahe mo a impananto ko niko.”

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.