Lukas 3:11 - U Maganda A Baheta Ni Jesu-Cristo

¹¹ Timmábbeg ti Juan, “Ni tehhod kam a duwwa a badu ay iyatád moy u essa tu awan ti badu, sakay ni tehhod kam a makan ay pakanán moy u magaláp hide.”

Lukas 3:11 Iomraidhean Croise

Mateo 25:40

Sakay tábbegan ko hide, ‘Talaga a kagiyan ko nikam: nikuna ginimet moy iye tu pinakamababa hide a kákkapatkákka ko ay bilang hikán u kinagbiyan moy.’

Lukas 11:41

Kaya tulungan moy u magkahirap hide tu kailangan de tán magin malinis kam tu atubang nu Diyos.

Lukas 18:22

Nikuna masaneg iye ni Jesus ay kinagi na, “Essa pa a bagay u kulang niko. Ilako mo u atanan nu kabiyagen mo sakay iyatád mo tu mágkahirap hide u naglakuwan mo tán magkahod ka ti kayamanan ti langet. Káttapos ay sole ka sakay sumunud ka nikán.”

Lukas 19:8

Timmaknág ti Zaqueo sakay kinagi na, “Panginoon, iyatád ko tu mágkahirap hide u kalahate nu kabiyagen ko. Sakay ni deya man u nadaya ko ay pumen-áppat ko a bayadan.”

Juan 13:29

U akala nu agum ay inutusan la siya ni Jesus a mamale tu kailangan de tu kasayaan oni mangatád ti limus tu mágkahirap hide, dipo siya u mágsaddi tu pilak de.

Gimet 10:2

Tehhod siya a ánteng tu Diyos, pati u buo na a pamilya. Palagi siya a mangatád ti tulung tu Judio hide, sakay pirme a magdasal tu Diyos.

Gimet 10:31

Kinagi na, ‘Cornelio, sinaneg nu Diyos u dasal mo hide sakay kinasayaan na u págtulung mo tu mágkahirap hide.

Gimet 10:4

Ináeleng na siya sakay grabi u ánteng na a tummábbeg, “Ánya itod, Panginoon?” Tummábbeg u anghel, “Sinaneg nu Diyos u dasal mo hide sakay nasaya siya niko tu káttulung mo tu mágkahirap hide.

Efeso 4:28

U mágtakaw ay dyan dán magtakaw; nan magtrabaho siya sakay gamitán na u kamát na tu tarabaho a marangal tánni makatulung siya tu mangailangan hide.

1 Timoteo 6:17

Itoldu mo tu mágkayaman a dyan magmadakál sakay dyan umasa tu kayamanan a lumipas. Nan tu Diyos la a mángngatád tu atanan a bagay a ikasaya tam.

1 Timoteo 6:18

Itoldu mo nide a dapat a u maganda u gimitan de, para yumaman hide tu mágkaganda a gimet. Magin masaya hide a mangatád sakay handa a tumulung tu agum.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

Santiagu 1:27

U ibilang nu Diyos a Ama tam a makidiyos ay u tumulung tu ulila sakay tu bábbey hide a bilo tu kahirapan de, sakay awan mák-aheg tu mágkadukás hide a gimet ti munduway.

Santiagu 2:14

Kákkapatkákka ko hide, ánya wád serbiyay nu pánnampalataya nu essa a tolay a awan ketan tu gimet na? Meligtas beman wád siya nu konna hina a pánnampalataya?

1 Juan 3:17

Ni ketan nu te anggen a tehhod a kailangan u kapatkákka na sakay awan na iye tinulungan ay kodya na a makagi a mahal na u Diyos?

1 Juan 4:20

Ni ti deya man u magkagi a “Mahal ko u Diyos” pero maiyamut labe tu kapatkákka na ay mabule. Dipo ni u kapatkákka na a ketan na dán ay awan na pa mamahal, kodya na a mamahal u Diyos a awan na ketan?