Lukas 24:19 - U Maganda A Baheta Ni Jesu-Cristo

¹⁹ Tinanung na hide, “Ánya beman itod hide a pangyayare?” Timmábbeg hide, “Tungkul tu nangyare ni Jesus a taga-Nazaret, essa a prupeta a makapangyariyan tu gimet sakay tu pagtoldu na, magin tu atubang nu Diyos sakay tu tolay hide.

Lukas 24:19 Iomraidhean Croise

Mateo 21:11

“Ti Jesus, u propeta a taga Nazaret a Galilea,” tábbeg be nu kakpalan.

Markos 1:24

“Ánya pák-alam muway nikame, Jesus a taga-Nazaret? Immangay kabe man he para puksaán mu kame? Tukoy taka, hiko u Banal a gábwat tu Diyos.”

Lukas 24:18

Timmabbeg u essa nide a u ngahan na ay ti Cleopas. Kinagi na, “Hiko wád la i dayuway ti Jerusalem a awan nakabaheta tu nangyare hide ti nakadaman na tode a aldew.”

Lukas 7:16

Neántingan hide a atanan sakay nagpure hide tu Diyos. Kinagi de, “Dummemát dán nikitam u dakila a prupeta. Immangay he u Diyos para tulungan na kitam a tolay na hide.”

Juan 3:2

Essa a gibi ay immangay siya tu kán Jesus sakay kinagi na, “Maisto, tukoy me a hiko ay essa a tagapagtoldu a gábwat tu Diyos, ta awan ti makagimet tu makataka-taka hide a ginimet mo, liban la ni hod nikuna u Diyos.”

Juan 4:19

Timmábbeg u bábbey, “Panginoon, naintendiyan kudan a essa ka a prupeta.

Juan 6:14

Nikuna a mapatunayan nu tolay hide u makataka-taka hide a ginimet ni Jesus ay kinagi de, “Siguradu a sadán iye u prupeta a pinaangay he ti munduwáy!”

Juan 7:52

Tinábbeg de ti Nicodemo, “Taga-Galilea ka beman be? Adalán mo u Kasulatan, para ketan mo a awan ti propeta a maggábwat ti Galilea.”

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 2:22

“Hikam a taga-Israel hide ay mágsaneg kam nikán! Ti Jesus a taga-Nazaret ay pinaangay nu Diyos nikam, sakay pinatunayan iye nu Diyos tu pamamag-itan nu himala hide sakay tu makataka-taka hide a ginimet na tu pamamag-itan ni Jesus. Mismo hikam u nakatukoy ti pangyayariyan iye dipo nangyare iye he nikam.

Gimet 7:22

Tinolduwan siya tu atanan a karunungan ti Egipto, sakay nagin malalake siya ti pággupos sakay tu gimet.