Lukas 23:7 - U Maganda A Baheta Ni Jesu-Cristo

⁷ Nikuna matukuyan na a taga-Galilea siya ay impeangay na ni Herodes dipo sakup na u Galilea. Nagkataun be a katoy ti Herodes ti Jerusalem.

Lukas 23:7 Iomraidhean Croise

Mateo 14:1

Nadid, tu panahun a itona ay nabaheta ni Hari Herodes Antipas a puno nu lugar a Galilea u ginimet ni Jesus.

Mateo 14:3

Dipo ti Herodes u nángpepireso sakay nangpabuno ni Juan bilang pabor na tu kabanga na a ti Herodias. Ti Herodias ay dati a kabanga nu kapatkákka ni Herodes a ti Felipe.

Mateo 14:6

Pero nikuna nagkasayaan hide tu kákkeenak ni Herodes ay nagpalabas ti sayaw u anak a madiket ni Herodias. Nasayaan a tahod ti Herodes tu palabas.

Markos 6:14

Nadid ay nabaheta ni Hare a Herodes u tungkul ni Jesus, dipo kilala dán siya nu makpal a tolay. Tehhod be a magkagi a ti Juan a Mágbautismo ay nabiyag a huway kaya makagimet ti Jesus ti makataka-taka a bagay.

Lukas 13:31

Ti odas biyan itod ay te sangan a Pariseo a ummadene ni Jesus sakay kinagi de, “Lumakad ka dán he, dipo gusto ka a ipabuno ni Herodes.”

Lukas 23:6

Nikuna masaneg iye ni Pilato, ay tinanung na ni taga-Galilea beman ti Jesus.

Lukas 3:1

Ti panahunan itod ay sapulo dán ay ti limma a taon u pághare ni Tiberio ti Roma. Ti Poncio Pilato ay gubernador ti Judea sakay ti Herodes ay gubernador ti Galilea. U wadi na a ti Felipe ay gubernador tu lugar a Iturea sakay ti Traconite sakay gubernador be ti Lisanias ti Abilinia.

Lukas 9:7

Nadid, nabaheta ni Herodes a gobernador ti Galilea u atanan a ginággimet ni Jesus. Naguluwan siya, dipo tehhod a sangan a tolay a nagkagi a nabiyag a huway ti Juan a Mágbawtismo.

Gimet 4:27

Natupad ngani iye nikuna a nagkaessa di Herodes ay ti Poncio a Pilato, kaguman u Hentil hide sakay u buo a Israel. Nagkaessa hide kontara ni Jesus a banal a pinile mo a tagapagserbi.