Lukas 22:5 - U Maganda A Baheta Ni Jesu-Cristo

⁵ Nasaya u puno nu saserdote hide sakay pinanantuwan de ti pilak ti Judas.

Lukas 22:5 Iomraidhean Croise

Lukas 22:4

Kanya lummakad siya sakay immangay tu puno nu saserdote hide sakay tu puno nu mágbantay hide tu templo para págguhunan de ni kodya na a metokyon ti Jesus nide.

Lukas 22:6

Pimmayag ti Judas tu kasunduwan, kanya sapul hod ay nagehyok dán siya ti pagkakataun a metokyon na ti Jesus, tu paraan a awan matukuyan nu katolayan.

Gimet 1:18

(U pilak a inbayad de ni Judas ay inbale na ti luta. Sakay hed he siya a natákneg a pausok, nabutyakan u tiyan na sakay limmuwas u bituka na.

Gimet 8:20

Tinábbeg siya ni Pedro, “Mepahamak ka a kaguman ni pilak muwe, dipo u akala mo ay mabale mo ti pilak u kaluub nu Diyos.

2 Pedro 2:15

Inadággen di dán u tama a ugale a gusto nu Diyos sakay u sinunud de ay u madukás a gimet. Inaheg de ti Balaam a anak ni Beor a nagpabayad tu pággimet ti madukás.

2 Pedro 2:3

Sakay tu makasadile de a kagustuwan, ay dayaán dikam tu pamamagitan nu mágkaganda a upos para maalap de u kayamanan moy. Nalay dán a nakahanda u hatul a para nide, sakay u Diyos a mangparusa nide ay awan tidug.

Judas 1:11

Kakagbi hide sakay makaánteng u demáttán ni iye hide a tolay dipo inaheg de u halimbawa ni Cain. Sakay dipo la tu pagkasoh de tu pilak ay impatibung de u sadi-sadile de a konna ni Balaam. Limmaban hide tu puno de a konna ni Core a pinuksa nu Diyos, kaya puksaan be hide nu Diyos.