Lukas 22:2 - U Maganda A Baheta Ni Jesu-Cristo

² U puno nu saserdote hide sakay u Maisto hide nu Kautusan ay magileng ti paraan tánni mepabuno de ti Jesus, pero maingat hide dipo manteng hide tu tolay hide.

Lukas 22:2 Iomraidhean Croise

Mateo 12:14

Linumakad u Pariseo hide sakay namágguhonan de ni kodya de ti Jesus a bunuwán.

Mateo 21:38

Pero nikuna netan nu magtrabaho hide u anak ay namagguhon hide, ‘Iye u tagapagmana. Kamon dán! Bunuwán tamon tán makao tam u mana na.’

Mateo 26:2

“Tukoy moy a duwwa a aldew dálla ay Kasayaan dán nu Aldew nu Pagtaleb Sakay itokyon u Anak nu Tolay para ipako tu kudus.”

Markos 14:1

Duwwa dálla a aldew ay piyesta dán nu pággala-ala nu Judio hide tu kálluwas de ti Egipto, sakay Piyesta be nu tinapay a awan ti Págpaalsa. Nadid, u puno nu saserdote hide sakay u eskriba hide a maisto nu Kautusan ay pinamágguhunan de ni kodya de a ipadakáp ti Jesus a awan ti makatukoy sakay pabuno de.

Lukas 20:19

Gusto a dakáppán nu maisto hide nu Kautusan sakay u puno nu saserdote hide ti Jesus ti odasan itod. Dipo tukoy de a hide u páppatamaan ni Jesus tu talinhaga. Pero manteng hide tu tolay hide.

Juan 11:57

Ti itod a panahun ay inyutus nu pinuno nu Saserdote hide sakay nu Pariseo hide a ikagi ni ti deya man u makatukoy ni hádya ti Jesus para madakáp de siya.

Gimet 4:27

Natupad ngani iye nikuna a nagkaessa di Herodes ay ti Poncio a Pilato, kaguman u Hentil hide sakay u buo a Israel. Nagkaessa hide kontara ni Jesus a banal a pinile mo a tagapagserbi.