Lukas 17:25 - U Maganda A Baheta Ni Jesu-Cristo

²⁵ Pero kailangan pa siya a magtággád ti makpal a hirap, sakay umadden di siya nu tolay hide nadid.

Lukas 17:25 Iomraidhean Croise

Mateo 16:21

Sapul hod ay impakapospos dán ni Jesus tu disepulus na hide a kailangan siya a umangay ti Jerusalem. Magdanas siya hod ti makpal a hirap tu kamát nu pinuno nu banuwan, pupuno nu saserdote hide sakay tu maisto hide nu Kautusan ni Moises. Sakay ipabuno de pa siya pero tu katállo a aldew ay huway siya a mabiyag.

Mateo 21:42

Tinanong hide ni Jesus, “Awan moy beman nabasa u nesulat tu Kasulatan? ‘U bito a inadeyan nu karpentero hide nu bilay, siya u nagin bito a pinakaposte nu bilay. Iye ay ginimet nu Panginoon sakay iye ay makataka-taka!’

Markos 10:33

“Paangay kitamon ti Jerusalem, sakay hikán a Anak nu Tolay ay itokyon de tu mataas hide a Saserdote sakay tu tagapagtoldu hide ti Kautusan. Sakay hatulanák de ti kamatayan sakay iyatáddák de tu bakán hide a Judio.

Markos 12:10

Awan moy pad beman la nabasa u kinagi na tu Kasulatan? ‘U bito a inumádden nu mágbilay hide, ay siya bál u bito a pinakapundasyon.

Markos 8:31

Nadid ay nagsapul a nangaral ti Jesus tu disepulus na hide a siya u, Anak nu Tolay a kailangan a magdanas ti makpal a hirap. Umádden siya nu puno hide nu Judio hide, sakay u puno nu Saserdote hide sakay tu tagapagtoldu hide tu Kautusan. Ipabuno di siya pero tu katállo a aldew ay mabiyag siya a huway.

Markos 9:31

dipo tolduwan na u disepulus na hide. Kinagi na nide, “Hikán a Anak nu Tolay ay itokyunák de, ipabunuwák de, pero huwayák a mabiyag tu katállo a aldew.”

Lukas 18:31

Sakay dinulaw ni Jesus u sapulo ay ti duwwa na a disepulus sakay kinagi na nide, “Angay kitam ti Jerusalem sakay matupad hod u atanan nu insulat nu prupeta hide tungkul tu Anak nu Tolay.

Lukas 18:33

Bálbággán di siya sakay bunuwan, pero tu katállo a aldew ay mabiyag siya a huway.”

Lukas 24:46

Sakay kinagi na nide, “Konna he u nesulat, ‘Kailangan a maghirap sakay matay u Cristo sakay mabiyag a huway tu katállo a aldew.’

Lukas 9:22

Kinagi na pa nide, “Magtiis pa ti dakál a hirap u Anak nu Tolay. Itakwil siya nu puno nu Judio hide, u puno nu saserdote hide sakay u maisto hide nu Kautusan. Ipabuno di siya pero biyagán siya a huway nu Diyos tu katállo a aldew.”

Juan 1:11

Immangay siya tu sadile na a banuwan, pero awan siya tinanggap nu kalugaran na hide.

Juan 12:38

Para ti konna hod ay matupad u kinagi ni Prupeta Isaias, “Panginoon, tideya u maniwala tu kinagi me? Kandeya mo a impeta u kapangyariyan mo?”