Lukas 16:3 - U Maganda A Baheta Ni Jesu-Cristo

³ Kinagi nu katiwala tu sadile na, ‘Ánya dán gimitán kuway nadid? Ibutanák dán nu amo ko a katiwala na. Awan ko kaya a magtarabaho ti luta sakay masanikiyák be a máklimus.

Lukas 16:3 Iomraidhean Croise

Mateo 20:8

Nikuna a sumaham dán u aldew, kinagi nu te kao tu ubasan tu tagapangasiwa na, ‘Dulawan mu dán u upaan hide sakay suwelduwan mo hide. Magsapul tu dimodyan hanggan tu dipalongo hide a nagtrabaho.’

Markos 10:46

Nadid, immangay di Jesus ti Jerico, tu kállakad na ti itod ay kaguman na u disepulus na hide, sakay makpal pa a agum a tolay. Te essa hod a lállake a mággetnod tu bihebi nu dilan a máklimus. U ngahan na ay ti Bartimeo, a anak ni Timeo.

Lukas 12:17

Kaya nakagi na tu sadile na, ‘Ánya wád i gimitán kuway? Awanák dán ti pagdáttonan ti naane kuwáy hide!

Lukas 16:2

Kanya impadulaw na sakay tinanung, ‘Ánya ben i masaneg-saneg kuwáy tungkul niko? Magkuwentaan kita dán tu pángngasiwa mo. Dipo sapul nadid ay awan taka dán katiwala.’

Lukas 16:20

Sakay tehhod be a essa a mahirap a putat ti talingo u bággi na, sakay mágkatdug tu pintuwan nu mayaman, u ngahan na ay ti Lazaro.

Lukas 16:22

Natay u mahirap kaya inyangay nu anghel hide u kaliduwwa na tu páppagyanan ni Abraham. Natay be u mayaman sakay nelábbáng.

Lukas 16:4

A, konna he i gimitán kuway tánni maski maibutanák tu tarabaho ko ay tehhodák palla a barkada a mangtanggap nikán tu bilay de!’

Lukas 18:4

Nanalay dán a awan popospusán nu huwes u bilo. Pero awan nagnalay ay kinagi nu huwes tu sadile na, ‘Maskin awanák ti ánteng tu Diyos sakay awanák ti igággalang a tolay,

Juan 9:8

Dipo ti iye ay namágtanungan u kadene na hide ti bilay sakay tu iba pa hide a nakatukoy nikuna, nikuna magpalimus palla siya. Kagi de, “Awan beman siya u date a magpalimus a tukoy tam?”

Gimet 3:2

Tu pintuwan nu Templo a dáddulawán de a, “Pintuwan a Maganda” ay tehhod a essa a lállake a lopog sapul pa tu kákkeenak na. Aldew-aldew ay iyangay de siya tu templo para máklimus tu tolay hide a sumáddáp hod.

Gimet 9:6

Tumaknág ka sakay umangay tu banuwan. Te mángkagi hod niko ni ánya u dapat mo a gimitán.”

2 Tesalonica 3:11

Kanya ikagi me nikam nadid iiye a utus, dipo nabaheta me a te umád nikam a magtarabaho, a awan ti agum a gággimitán nan mak-alam tu biyag nu agum a tolay.