Lukas 16:15 - U Maganda A Baheta Ni Jesu-Cristo

¹⁵ Pero kinagi ni Jesus nide, “Mapagpakunwari kam tu atubang nu katolayan, pero tukoy nu Diyos u katoy tu puso moy. Dipo u mahalaga tu tolay ay sasala nu Diyos.”

Lukas 16:15 Iomraidhean Croise

Mateo 23:5

Puro a pagpakunware u gimet de hide. Pinalabang de u págdattonan de ti bersikulo de sakay pinaatakdug de u garayan nu damit de hide para mapansin hide nu tolay a mágserbi hide tu Diyos.

Mateo 6:16

Sakay kinagi pa ni Jesus “Ni magkulasyon kam ay dyan moy ipeta a malungkut kam konna tu gággimitán nu mapagkunware hide. Awan dán hide magayus tu sadi-sadili de tán matukuyan nu agum a nagkulasyon hide sakay puriyán de hide. Kagiyán ku nikam a talaga natanggap di dán u gantimpala de hide.

Mateo 6:2

Kanya ni mangatád kam tu mágkahirap hide ay dyan moy ihambug tu agum. Ina u gággimitán nu mapagkunware hide a tolay tu sinagoga hide sakay tu kakarsada tánni puriyán hide nu katolayan. Ikagi ko nikam a talaga natanggap di dán u gantimpala de. Awan dán hide ti gantimpala a gábwat tu Diyos.

Mateo 6:5

Sakay kinagi pa ni Jesus “Ni magdasal kam ay dyan moy ahigán u gimet nu mapagkunware hide. Gugustu de a magdasal a nakataknág tu sinagoga sakay tu kakarsada tánni ketan hide nu katolayan. Ikagi ku nikam a talaga naalap di dán u gantimpala de.

Lukas 10:29

Dipo tu pagkasoh nu maisto nu Kautusan a ipeta a tama siya ay tinanung na a huway ti Jesus: “Deya beman kapareho kuway a tolay?”

Lukas 11:39

Kinagi nikuna nu Panginoon, “Hikam a Pariseo hide, áugisan moy u luwas nu baso sakay u penggan pero u puso moy ay makasadile sakay putat ti kadukássan!

Lukas 18:11

Timmaknág u Pariseo sakay nagdasal ti konna heeh, ‘Magpasalamaták niko, Panginoon dipo awanák kapareho nu agum a mágtakaw, mágkadaya, mángngibábbey oni konna ti lállakeyáy a mágsingeh ti buwes.

Lukas 18:14

Kagiyán ko nikam, iye a lállake ay simmole a kinasayaan nu Diyos, pero awan na kinasayaan u essa. Dipo u mánglangkaw tu sadile na ay mebaba, pero ni ti deya man u magpakababa ay melangkaw.”

Lukas 18:21

Timmábbeg u lállake, “Sinássunud ku dán ina a atanan sapul pa nikuna anakák.”

Lukas 18:9

Kinagi ni Jesus iye a talinhaga tu tolay hide a u pangisip de tu sadile de ay mágkalinis, pero imemenos di la be u agum a tolay.

Lukas 20:20

Kaya naguhay dálla hide ti essa a tiyempo. Sinuhulan de u sangan a tolay para magkukunware a magehyok ti katutuhanan. Ginimet de iye para dakáppán de siya ni magkamale siya tu pággupos na, tánni konna hod ay mekaso de siya tu gubernador.

Lukas 20:47

Alapán de u ari-arian nu bilo hide. Sakay gusto de a itagu u mágkadukás de a gimet kaya magdasal hide ti atakdug. Iye hide a tolay ay parusaan nu Diyos ti mas madágge a parusa!”

Juan 2:25

Sakay awan dán siya kailangan a kagiyan tungkul tu tolay hide, dipo tukoy na ni ánya u katoy tu puso de.

Juan 21:17

Tu katállo a beses ay kinagi ni Jesus, “Simon a anak ni Juan, mahalák mu beman a talaga?” Nalungkut ti Pedro dipo tállo na dán siya a beses a tanungán ni mahal na be man siya. Kanya timmábbeg siya, “Panginoon, tukoy mo u atanan a bagay. Tukoy mo a mahal taka.” Kinagi ni Jesus nikuna, “Pakanán mo u tupa ko hide.”

Gimet 1:18

(U pilak a inbayad de ni Judas ay inbale na ti luta. Sakay hed he siya a natákneg a pausok, nabutyakan u tiyan na sakay limmuwas u bituka na.

Gimet 1:24

Sakay bagu hide a nangpile ay nagdasal hide, “Panginoon, hiko u nakatukoy tu puso nu atanan a tolay. Kanya ipeta mo ped nikame ni ti deya u dapat me a piliyán ti duwwaan iye,

Gimet 15:8

U Diyos a makatukoy tu isip nu balang essa i nángpatunayay a tinanggap na dán u Hentil hide nikuna inyatád na nide u Banal a Ispirito a konna labe nikitam.

Roma 3:20

Dipo awan ni ti deyaman u ibilang nu Diyos a awan ti kasalanan tu pamamag-itan nu kássunud tu Kautusan. Nan u Kautusan u mángpeta tu kasalanan nu tolay.

Roma 8:27

Sakay maintendiyan nu Diyos a makatukoy tu lasán nu puso nu tolay u ánya man a kagiyán nu Banal a Ispirito. Dipo u Banal a Ispirito u mamagitan para nikitam a anak nu Diyos, sakay iye ay palagi a ayun tu kaluuben nu Diyos.

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

1 Pedro 3:4

Nan u dapat moy a husayán ay u isip moy dipo iye u kagandaan a awan maglilipas. Dapat kam a magin mahinahun sakay mabait dipo itod u mahalaga tu atubang nu Diyos.

1 Pedro 5:5

Kaya hikam be a áolito sakay mámmadiket hide, pasakup kam tu mágkatanda hide. Magpakababa kam a atanan dipo nesulat tu Kasulatan, “Sasala nu Diyos u palalo hide, sakay kasayaan na u magpakababa hide.”

Pahayag 2:23

Sakay pati be u immunonod hide tu toldu na ay parusaan ko ti kamatayan tu pamamag-itan nu peste, tánni matukuyan nu atanan a mánnampalataya a hikán u makatukoy tu puso sakay tu isip nu tolay. Premyuwan ko u balang essa nikam ayun tu ginimet moy.