Lukas 16:11 - U Maganda A Baheta Ni Jesu-Cristo

¹¹ Kaya ni awan kam mapagkatiwalaan tu kayamanan ti munduwáy, deya u magtiwala nikam tu tunay a kayamanan?

Lukas 16:11 Iomraidhean Croise

Mateo 6:24

Sakay kinagi pa ni Jesus “Awan ti makapagserbi ti duwwa a amo dipo kaiyamután na u essa sakay mahalán na u essa oni mas magin matapat siya tu essa nan tu essa. Awan moy maare a sabayán a pagserbiyan u Diyos sakay u kayamanan.

Lukas 12:33

Ilako moy u kabiyagen moy hide sakay iyatád moy tu mágkahirap hide u naglakuwan moy! Tánni makaipun kam ti kayamanan ti langet. U maipun moy hod a kayamanan ay awan magdadate one maubu-ubus sakay awan ti makasasáddáp a mágtakaw sakay awan makuta-kutam.

Lukas 16:12

Ni awan kam mapagkatiwalaan tu kayamanan nu agum ay awan kam be mapagkatiwalaan tu tatahoden a kayamanan a para nikam.

Lukas 16:9

Sakay káttapos ay kinagi ni Jesus, “Kagiyán ko nikam, gamitán moy u kayamanan moy ti lutaáy tu paggimet ti maganda tu kapareho a tolay. Maskin maubus iye ay tehhod a mangtanggap nikam tu bilay na a awan ti kahad ti langet.

Lukas 18:22

Nikuna masaneg iye ni Jesus ay kinagi na, “Essa pa a bagay u kulang niko. Ilako mo u atanan nu kabiyagen mo sakay iyatád mo tu mágkahirap hide u naglakuwan mo tán magkahod ka ti kayamanan ti langet. Káttapos ay sole ka sakay sumunud ka nikán.”

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Santiagu 2:5

Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna?

Pahayag 3:18

Kaya ngani ipayo ko nikam a mamale kam nikán ti puro a ginto tánni yumaman kam. Mamale kam be nikán ti mapudew a badu tánni mabaduwan i eklas moye a bággi, sakay gamot ti mata tánni maketa kam.