Lukas 12:4 - U Maganda A Baheta Ni Jesu-Cristo

⁴ “Kagiyán ko nikam, barkada ko hide, dyan kam manteng tu mágbabono hide. Dipo u maare dila a bunuwán ay u bággi nu tolay sakay awan dán hide ti iba a kaya a gimetan.”

Lukas 12:4 Iomraidhean Croise

Mateo 10:28

Sakay dyan moy kantingan u makabuno tu bággi moy pero awan makabuno tu kaliduwa nan dapat kantingan moy u Diyos a makabuno tu bággi sakay kaliduwa moy ti impiyerno.

Juan 15:13

Awan dán ti págmahal a higit tu págmahal nu essa a tolay a náng-alay tu biyag na para tu amigu na hide.

Gimet 20:24

Pero awan nikán ti halaga u biyag ko, u mahalaga ay magimet kula u tungkulin ko sakay matapos u tarabaho a inyatád nikán nu Panginoon Jesus u págbaheta tu Maganda a Baheta tungkul tu kabaitan nu Diyos.

Gimet 4:13

Nagtaka u buo a Sanedrin tu begsák isip a impeta di Pedro sakay ti Juan, lalu dán nikuna naihupaan de a awan bál hide nakapagadal. Naihupaan dila be a hide u kakaguman ni Jesus tu itod.

Filipos 1:28

Diyan kam manteng tu kumalaban hide nikam dipo ni awan kam manteng ay saiye u pakatukuyan de a mepahamak hide pero hikam be ay iligtas nu Diyos.

Santiagu 2:23

Kanya natupad dán u sumássulat a, “Summampalataya ti Abraham tu Diyos, sakay imbilang siya nu Diyos a matuwid dipo tu pánnampalataya na.” Kanya dinulaw siya a amigu nu Diyos.

1 Pedro 3:14

Pero ni pahirapan dikam padi maski ni maggimet kam ti tama ay pinagpala kam pade nu Diyos. Diyan kam manteng maski ni deya sakay diyan kam la mabalisa.

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”