Lukas 12:33 - U Maganda A Baheta Ni Jesu-Cristo

³³ Ilako moy u kabiyagen moy hide sakay iyatád moy tu mágkahirap hide u naglakuwan moy! Tánni makaipun kam ti kayamanan ti langet. U maipun moy hod a kayamanan ay awan magdadate one maubu-ubus sakay awan ti makasasáddáp a mágtakaw sakay awan makuta-kutam.

Lukas 12:33 Iomraidhean Croise

Mateo 19:21

“Ni gusto mo a magin karapatdapat tu Diyos, angay mo ilako u ari-arian mo sakay iyatád mo tu pobre hide u naglakuwan. Ni gimetán mo iye, magkahod ka ti kayamanan ti langit. Káttapos ay sumoli ka he sakay sumunod nikán,” tábbeg ni Jesus.

Lukas 11:41

Kaya tulungan moy u magkahirap hide tu kailangan de tán magin malinis kam tu atubang nu Diyos.

Lukas 12:21

Káttapos ay kinagi ni Jesus, “Konna hina u sapitán nu tolay a makán puhunan ti kayamanan para tu sadile na. Pero mahirap labe tu pangileng nu Diyos.”

Lukas 16:9

Sakay káttapos ay kinagi ni Jesus, “Kagiyán ko nikam, gamitán moy u kayamanan moy ti lutaáy tu paggimet ti maganda tu kapareho a tolay. Maskin maubus iye ay tehhod a mangtanggap nikam tu bilay na a awan ti kahad ti langet.

Lukas 18:22

Nikuna masaneg iye ni Jesus ay kinagi na, “Essa pa a bagay u kulang niko. Ilako mo u atanan nu kabiyagen mo sakay iyatád mo tu mágkahirap hide u naglakuwan mo tán magkahod ka ti kayamanan ti langet. Káttapos ay sole ka sakay sumunud ka nikán.”

Juan 12:6

Kinagi na iye, bakán a dipo tu págmalasakit na tu mágkahirap hide nan dipo gusto na la a mangkupit tu pilak de. Siya u mághempás tu pilak de. Sakay kákkupitán na la itod.

Gimet 2:45

Inlako de u atanan nu kabiyagen de hide sakay u naglakuwan de ay impagatád de tu kakaguman de hide sigun tu pangangailangan nu balang essa.

2 Corinto 8:2

Nagdanas hide ti matindi a kahirapan, madággi iye a pagsubuk nide. Pero te kasayaan pade hide kaya masaya hide a mangatád ti makpal a tulung maski grabi u hirap de.