Lukas 11:4 - U Maganda A Baheta Ni Jesu-Cristo

⁴ Sakay patawadán mo kame tu kasalanan me hide, dipo pappatawadan mi be u nagkasala hide nikame. Sakay dyan mo kame pabayan a matokso.”

Lukas 11:4 Iomraidhean Croise

Mateo 18:35

Kona labe hina u gimitán nikam nu Ama ko a atoy ti langit ni awan moy patawadan u kapatkakka moy.”

Mateo 26:41

Magpuyat kam sakay manalangin tánni awan kam matalo nu tukso. U espiritu ay nakahanda pero mahina u bággi.”

Lukas 11:5

Sakay kinagi na nide, “Mara ni tehhod a immangay nikam a essa tu barkada moy hide tu bállog nu gibi sakay kinagi na, ‘Barkada, atáddinák mo ped pala ti tállo a tinapay.

Lukas 13:4

Tungkul be tu sapulo ay ti walo a natay nikuna natáppelan hide nu tore a malangkaw a bilay ti Siloe ay isipán moy dán beman be a makpal hide a nagimet a madukás nan tu agum a mágyan ti Jerusalem?

Lukas 22:46

Tinanung na hide, “Bakin a mágtatidugán kam? Umikat kam sakay magdasal tánni awan kam madaig nu tokso.”

Lukas 8:13

U nesabug a bine tu bito-bito hide ay u tolay hide a nágsaneg sakay masaya de a tinanggap u upos nu Diyos. Pero awan tatahoden u págtanggap de tu puso de, kaya awan nagnalay u pánnampalataya de. Tu káddemát nu pagsubuk tu biyag de ay pagdaka hide a summina.

Juan 17:15

Awan ko idasal a alapán mu dán he hide ti munduwáy, nan ingatan mo hide para awan hide matalo ni Satanas.

1 Corinto 10:13

Awan palla ti pagsubuk a dummemát nikam a awan dinanas nu atanan a tolay. Matapat u Diyos, sakay awan na pakultadan a subukán kam tu mas pa tu kaya moy. Nan, káddemát nu pagsubuk, ay atádden na kam pa ti begsák tánni mapagtagumpayan moy itod.

Colosas 3:13

Mamágpasensiyaan kam sakay mamágpatawaden ni te saket kam ti isip tu balang essa. Magpatawaden kam konna tu págpatawad nikam nu Panginoon.

2 Tesalonica 3:3

Matapat u Panginoon. Atádden na kam ti begsak ni pannampalataya sakay ingatan na kam para awan kam matalo ni Satanas.

2 Timoteo 4:18

U Panginoon u mángligtas nikán tu atanan a mágkadukás sakay ligtasák a iyangay na tu kahariyan na ti langet. Puriyán siya hanggan-hanggan! Amen.

Santiagu 2:13

Awan kagbiyan nu Diyos u tolay a awan makákkagbiyán pero u tolay a makákkagbiyán ay awan dapat a manteng tu pághatul nu Diyos.

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.