Lukas 1:80 - U Maganda A Baheta Ni Jesu-Cristo

⁸⁰ Sakay dimmakál u anak a tehhod a mabegsak a ispirito a gábwat tu Diyos. Nágyan siya tu parang hanggan tu aldew a pimmeta siya tu taga-Israel hide.

Lukas 1:80 Iomraidhean Croise

Mateo 11:7

Nikuna lumakad dán u disepulus ni Juan ay sinapulan a impaliwanag ni Jesus u patungkul ni Juan tu katolayan hide. Kinagi na nide “Anya beman u angay moy inileng tu kaparangan? Essa beman a mahina a lállake a konna tu kugun a alisto la idappay-dappay nu pahás?

Mateo 3:1

Nadid kállipas nu makpal a taon sakay nágyan padla ti Jesus ti Nazaret ay dummemát tu kaparangan ti Judea u essa a tolay a u ngahan na ay ti Juan a mágbawtismo. Sakay nágyan siya hod sakay nagsapul a nagtoldu.

Lukas 1:15

dipo magin dakila siya tu pangileng nu Panginoon. Awan siya dapat a uminom ti alak oni ányaman a áinumán a makalasing. Sakay he palla siya tu tiyan nu ina na ay atádden dán siya ti kapangyariyan nu Banal a Ispirito.

Lukas 2:40

Dimmakál u anak a mabegsak, malalake sakay kinasayaan nu Diyos.

Lukas 2:52

Mágdaka-dakál ti Jesus a malalake sakay lalo pa a kinasayaan nu Diyos sakay nu tolay hide.

Juan 1:31

Tu dipalongo ay awan ku be siya talaga kilala ni ti deya siya. Pero nadid ay hodák he a magbawtismo tu dinom para ipakilala siya ti Israel.”

Gimet 18:28

Dipo tunay siya ti husay a nagpaliwanag ay awan siya nadaig nu Judio hide tu atubang nu katolayan. Pinatunayan na nide tu pamamag-itan nu Banal a Kasulatan a ti Jesus u Cristo.