Juan 9:30 - U Maganda A Baheta Ni Jesu-Cristo

³⁰ Timmábbeg u lállake, “Magtakaák nikam! Ta awan moy tukoy ni hádya siya a gábwat, pero pinagpiyya na u mata ko.

Juan 9:30 Iomraidhean Croise

Mateo 11:5

Ikagi moy a maketa dán u buhák. Makalakad u pilay. Nagpiyya u te ketong. Makasaneg dán u bángngág. Nabiyag u patay sakay natolduwan dán u pobre hide tu maganda a baheta.

Mateo 21:42

Tinanong hide ni Jesus, “Awan moy beman nabasa u nesulat tu Kasulatan? ‘U bito a inadeyan nu karpentero hide nu bilay, siya u nagin bito a pinakaposte nu bilay. Iye ay ginimet nu Panginoon sakay iye ay makataka-taka!’

Markos 6:6

Nagtaka siya dipo umád de a maniwala nikuna. Linebut ni Jesus u babaryo tu palebut sakay tinolduwan na u tagahod hide.

Lukas 7:22

Sakay timmábbeg siya nide, “Sole kamon tu kán Juan sakay kagiyán moy nikuna u netan sakay nasaneg moy. Naketa dán u buhák hide, makalakad dán u pilay hide, nagpiyya dán u kinetong hide, makasaneg dán u bángngág hide, nabiyag dán a huway u patay hide sakay nepangaral dán u Maganda a Baheta tu mágkahirap hide.

Juan 12:37

Maski ni netan nu Judio hide u makpal a makataka-taka a ginimet ni Jesus ay awan pade hide maniwala nikuna.

Juan 3:10

Timmábbeg ti Jesus, “Essa ka a tanyag a tagapagtoldu ti Israel, pero awan mo maintendiyan iye?

Juan 9:29

Tukoy me a nagupos u Diyos ni Moises, pero u tungkul ti tolayan itona ay awan me tukoy ni hádya siya a gábwat.”

Juan 9:31

Tukoy tam a awan sanigán nu Diyos u makasalanan hide, pero u ti deyaman a te ánteng tu Diyos sakay manggimet tu kaluuben na ay sanigán na.

2 Corinto 4:6

Dipo u Diyos mismo u nagkagi a, “Magkahod ti demlag tu kadiklámman.” Siya be u nangdemlag tu puso me hide tánni ketan me u kadakilaan nu Diyos a netan tu hupa ni Cristo.