Juan 9:24 - U Maganda A Baheta Ni Jesu-Cristo

²⁴ Kanya huway a impadulaw nu Judio hide u buhák sakay kinagi de nikuna, “Isumpa mo tu atubang nu Diyos a tatahoden u ikagi mo nikame. Awan maare a ti Jesus u nángpapiyya niko, ta makasalanan siya a tolay.”

Juan 9:24 Iomraidhean Croise

Markos 15:27

Te duwwa be a mágtakaw a impako tu kudus a kasabay ni Jesus, essa tu kawanan na sakay essa be tu kawihe na.

Lukas 15:2

Nágganasasan u Pariseo hide sakay u maisto hide nu Kautusan, kinagi de, “I tolayan iye ay mákpággagum tu makasalanan hide sakay mákpággatubang nide a kuman.”

Lukas 19:7

Nikuna ketan itod nu tolay hide ay nágganasasan hide a atanan, kinagi de a, “Maktulos siya ti makasalanane a tolay!”

Lukas 7:39

Nikuna ketan itod nu Pariseo a nangakit nikuna ay nakagi na tu sadile na, “Ni talaga a prupeta i tolayan iye ay dapat tukoy na ni ti deya mangkákkahapáy nikuna sakay ni ánya i pagkatolayay ni iye a bábbey. Essa siya a makasalanan!”

Juan 14:30

Awan ku dán pakaatakdugán i kákkagiyán kuwáy nikam, dipo pademát dán ti Satanas a siya u maghare ti munduwáy, pero awan siya ti kapangyariyan nikán.

Juan 16:2

Dumemát u odas a awan kamon tanggapán nu kasa-Judio moy hide tu sinagoga. Sakay dumemát u odas a ni deyaman u mangbuno nikam ay magakala a págserbi dán itod tu Diyos.

Juan 18:30

Timmábbeg hide, “Ni awan siya naggimet ti madukás ay awan mi he siya inyangay.”

Juan 19:6

Nikuna a ketan siya nu pupuno hide a Saserdote sakay tu guwardiya hide ay pimmákhaw hide, “Ipako siya tu kudus! Ipako siya tu kudus!” Pero timmábbeg ti Pilato, “Hikam dálla u mangalap nikuna a mángpako tu kudus, dipo ni hikán la ay awanák ti ketan a kasalanan na.”

Juan 5:23

para parangalan nu atanan u Anak a konna tu pángparangal de tu Ama. U awan mangparangal tu Anak ay awan mangparangal tu Ama a nángpaangay he nikuna.”

Juan 8:46

Ti deya nikam makapángkagiyay a nakagimiták ti kasalanan? Tatahoden u kákkagiyán ko nikam. Bakin a umáddák moy a paniwalaan?

Juan 8:49

Timmábbeg ti Jesus, “Awanák sináddáp ni madukás a ispirito. Parangalan ko la u Ama ko, pero áinsultuwánnák moy.

Juan 9:16

Kinagi nu sangan a Pariseo, “Bakán a gábwat tu Diyos i tolayan iye, dipo awan na sinunud u utus tungkul tu Aldew nu Káimang.” Pero kinagi be nu agum, “Ni makasalanan siya a tolay, kodya siya a makagimet tu konna he a makataka-taka a bagay?” Awan hide namágkasungdu tu áisipán de tungkul ni Jesus.

Juan 9:25

Timmábbeg u lállake, “Awan ko tukoy ni makasalanan siya oni awan. U tukoy ku la ay datiyák a buhák pero nadid ay naketaák dán.”

Roma 8:3

U Kautusan ay awan makapangibut tu kapangyariyan nu kasalanan tu biyag tam dipo tu kahinaan nu makasalanan tam a pagkatolay. U Diyos u nangibut nikuna a pinaangay nahe u sadile na a anak a konna tu essa a tolay a makasalanan tánni magin alay para tu kasalanan tam. Sakay nikuna a nagin tolay siya ay tinapos nu Diyos u kapangyariyan nu kasalanan.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Pahayag 11:13

Naglinog ti tunay a begsák ti itod be a odas. Nasida u kasapulo a parte nu banuwan, sakay pitto a libu a tolay u natay. Mineántingan u nabuhay hide a tolay, kaya tinengge de u kadakilaan sakay kapangyariyan nu Diyos ti langet.