Juan 7:28 - U Maganda A Baheta Ni Jesu-Cristo

²⁸ Mentaras a magtoldu ti Jesus tu templo ay kinagi na ti mabegsák, “Tatahoden beman a matenggiyák moy sakay tukoy moy ni hádyaák a gábwat? U tatahoden ay awanák he immangay tu sadile kula a kagustuwan. U tunay a Diyos u nangpaangay he nikán, pero awan moy siya matengge.

Juan 7:28 Iomraidhean Croise

Mateo 11:27

Káttapos na a nanalangin ay kinagi ni Jesus tu disepulus na hide “Intád nu Ama nikán u atanan a kapangyariyan tu atanan a bagay. Awan talaga ti makatukoy tu Ama, u Anak la. Sakay awan talaga ti makatukoy tu Anak nan u Ama la sakay tu atanan a napili nu Anak a ipatenggi u Ama.

Mateo 2:23

Sakay nágyan hide ti Nazaret a sakup ni Galilea tánni matupad u kinagi nu propeta tu itod pa a “Mangahanan siya a taga Nazaret.”

Mateo 26:55

Sakay inatubang na u tolay hide sakay kinagi, “Hikán beman ay tulisan a immangay kam he a te tawed a attak sakay batuta hide para dakápannák moy? Aldew aldew, hikán ay nagtoldo tu templo pero awannák moy dinakáp.

Lukas 10:22

Sakay kinagi na nide, “Inyatád dán nikán nu Ama ko u atanan a bagay. Awan ti makatukoy ni deya u Anak ni awan la u Ama. Sakay awan ti makatukoy tu Ama ni awan u Anak la, sakay u pinile hide nu Anak a pángpakapospusan na tungkul nikuna.”

Lukas 2:11

Dipo neenak nadid a aldew ti Betlehem tu banuwan ni David u Tagapagligtas, u Cristo a Panginoon.

Lukas 2:39

Nikuna natupad dán di Jose ay ti Maria u atanan a bagay tu Kautusan nu Panginoon ay nagsole dán hide tu banuwan a Nazaret a Galilea.

Lukas 2:4

Kanya ti Jose a mágyan ti Nazaret a banuwan ni Galilea ay immangay ti Judea, ti Betlehem u banuwan a neenakan ni hare a David, dipo gábwat siya tu lahe ni David.

Lukas 2:51

Káttapos ay nákkuyog dán ti Jesus tu dáddakál na hide a pasole ti Nazaret, sakay nagin masássunudán siya nide. Pinakatandaan nu ina na u atanan a bagay a nangyare.

Juan 1:46

Kinagi nikuna ni Nataniel, “Tehhod beman a maganda a maggábwat ti Nazaret?” Timmábbeg ti Felipe, “Kadon he ta ilingán mo.”

Juan 10:36

bakin moy a kagiyán a lapastanganán ko u Diyos dipo tu kinagi ko a hikán ay Anak nu Diyos? Piniliyák nu Ama sakay pinaangayák na he ti munduwáy.

Juan 12:49

Dipo u itáttoldu ko ay bakán a gábwat tu sadile ku la nan gábwat tu Ama a nangpaangay he nikán. Siya u nagutus tu kagiyán ko.

Juan 14:10

Awan ka beman maniwala a hikán ay hod tu Ama sakay u Ama ay hod nikán? U kákkagiyán ko nikam ay awan gábwat nikán nan tu Ama a hod nikán. U bagay hide a gággimitán ko ay siya be u maggimet dipo siya ay hod nikán.

Juan 14:31

Pero dapat a matukuyan nu tolay hide a mahal ko u Ama, kanya gimitán ko u inyutus na nikán. Kadtamon, lumakad kitamon he.”

Juan 16:3

Gimitán de i iye hide a bagay dipo awanák de kilala sakay awan di be kilala u Ama.

Juan 17:25

Ama, a Banal maski ni awan ka tukoy nu taga-mundu hide ay tukoy taka, sakay tukoy nu maniwala hide a hiko u nangpaangay he nikán.

Juan 17:3

Sakay sa iye u gusto a kagiyán nu biyag a awan ti kahád: u matukuyan ka nu tolay hide a hiko la u tunay a Diyos, sakay matukuyan di be u pinaangay mu he.

Juan 3:2

Essa a gibi ay immangay siya tu kán Jesus sakay kinagi na, “Maisto, tukoy me a hiko ay essa a tagapagtoldu a gábwat tu Diyos, ta awan ti makagimet tu makataka-taka hide a ginimet mo, liban la ni hod nikuna u Diyos.”

Juan 3:33

Pero u maniwala hide tu kinagi ni Jesus ay hide u mangpatunay a tatahoden u kinagi nu Diyos.

Juan 5:32

pero te agum a mángpatunay tungkul nikán, sakay tatahoden u kinagi na.

Juan 5:43

Immangayák he tu pamamag-itan nu Ama ko, pero umáddák moy a tanggapán. Pero ni te iba a angay he magtoldu nikam ayun tu sadile na la a kagustuwan ay tanggapán moy siya.

Juan 6:42

Kanya kinagi de, “Awan beman ti Jesus ay u anak ni Jose? Bakin a kagiyán na a immogsad siya a gábwat ti langet, tukoy tam labe u dáddakál na hide?”

Juan 7:14

Nikuna bállog dán nu kasayaan ay immangay ti Jesus tu templo sakay nangaral.

Juan 8:14

Timmábbeg ti Jesus, “Maski ni hikán la i mángpatunayay ti sadile kuwáy ay tatahoden i kákkagiyán kuwáy, dipo tukoy ko ni hádyaák a naggábwat sakay ni hádyaák angayan. Pero hikam ay awan moy tukoy ni hádya naggábwatan kuway sakay ni hádyaák angayan.

Juan 8:16

Pero ni maghatulák tu tolay ay tatahoden u hatul ko, ta bakán la a hikán u manghatul, nan kaguman ko u Ama ko a nángpaangay he nikán.

Juan 8:19

Nagtanung u Pariseo hide, “Hádya u Ama mo?” Timmábbeg ti Jesus, “Awanák moy matenggi maski u Ama ko. Ni matenggiyák moy ay matenggi moy be u Ama ko.”

Juan 8:26

U tatahoden ay makpalák pa a makagi sakay mehatul kontara nikam. Awanák ti ikagi tu tolay hide ti munduway liban tu ipekagi nikán nu nangpaangay he nikán. Sakay mapagkatiwalaan u kinagi na hide.”

Juan 8:42

Kinagi ni Jesus nide, “Ni u Diyos u Ama moy, mahalánnák moy nakwa, dipo hikán ay gábwat tu Diyos. Awanák immangay he tu sadile ko la a kagustuwan, nan pinaangayák na he.

Juan 9:29

Tukoy me a nagupos u Diyos ni Moises, pero u tungkul ti tolayan itona ay awan me tukoy ni hádya siya a gábwat.”

Gimet 17:23

Dipo tu páglalebut ko ti banuwan moyáy ay neilingan ko tu lugar hide a págdasalan moy u essa a altar a nakasulat u konna he, ‘Tu Diyos a awan matengge.’ U Diyos a awan moy matengge a páppuriyán moy ay siya u ipáppangaral ko nikam.

Roma 1:28

Dipo umád de a tenggiyan u Diyos, kanya pinabayan na dán hide tu mágkadukás de a isip sakay tu gággimitán de a makadanga-dangát.

Roma 3:4

Awan, dipo tapat u Diyos tu upos na, maske mabule u atanan a tolay. Konna ngane tu kinagi na tu Kautusan, “Talaga a mapatunayan a tapat ka tu upos mo Panginoon Diyos. Sakay ni kagiyán nu tolay ate pagkakamale ka mapatunayan a awan ka ti págkakamale.”

2 Corinto 1:18

Ni kodya a tapat u Diyos, ay konna bi hod u upos ko nikam: u “On” ko nadid ay manatile a “On.”

2 Corinto 4:6

Dipo u Diyos mismo u nagkagi a, “Magkahod ti demlag tu kadiklámman.” Siya be u nangdemlag tu puso me hide tánni ketan me u kadakilaan nu Diyos a netan tu hupa ni Cristo.

Tito 1:2

U pánnampalataya sakay pakkaunawa a iye u mangatád tu pag-asa tam a matanggap tam u biyag a awan ti kahád a inpananto nu Diyos bagu na a linalang i munduwáy. Siya u Diyos a awan mágbule-bule.

Hebreo 6:18

Awan magbabagu oni magbule-bule u Diyos ti duwwaan iye a bagay: U pananto na sakay u sinumpaan na. Kanya hikitam a nagpasakup tu Diyos ay matibay u isip tam a umasa tu inpananto na.

1 Juan 5:10

Ni ti deyaman u sumampalataya tu Anak nu Diyos ay maniwala ti iye a patunay. Ni ti deyaman u awan sumampalataya tu patunay nu Diyos ay ginimet na a mabule u Diyos. Dipo awan siya maniwala tu págpatunay na tungkul tu Anak na.