Juan 6:57 - U Maganda A Baheta Ni Jesu-Cristo

⁵⁷ U Ama ko a nangpaangay he nikan u pinaggabwatan ni biyag; kanya katoy be nikan u biyag a gabwat nikuna. Konna be tu kuman tu bággi ko ay atádden ku be siya ti biyag a gabwat nikan.

Juan 6:57 Iomraidhean Croise

Mateo 16:16

Timmábbeg ti Simon Pedro, “Hiko u Cristo, u Anak nu Diyos a biyag.”

Juan 14:19

Sabadit dálla a panahun ay awanák dán ketan nu taga-mundo hide, pero ketanák moy. Sakay dipo biyagák, hikam be ay mabiyag.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 17:21

Ama ipagdasal ko niko, a nakwa magin essa hide a atanan a konna nikita. Ni kodya ka a hod nikán sakay hodák be niko, nakwa hide ay hod nikita, para maniwala u taga-mundu hide a hiko u nangpaangay he nikán.

Juan 3:17

Dipo awan pinaangay nu Diyos u anak na ti munduway para hatulan ti parusa u tolay hide, nan para iligtas tu pamamag-itan na.

Juan 5:26

U Ama mismo u pinaggabwatan nu biyag. Sakay u Anak ay inatádden na be ti kapangyariyan a paggabwatan nu biyag.

Juan 6:29

Timmábbeg ti Jesus, “Sa iye u ipagimet nu Diyos nikam, maniwala kam nikán a pinaangay na he.”

Juan 6:38

Dipo immogsadák a gábwat ti langet, bakán a para gimitán ko u sadile ko a kagustuwan nan u kagustuwan nu Ama ko a nangpaangay he nikán.

1 Corinto 15:22

Dipo ni kodya a matay u atanan dipo hide ay lahe ni Adan, ay mabiyag be u atanan dipo tu pákpágkaessa de ni Cristo.

1 Corinto 15:45

Konna he u nakasulat tu Kasulatan, “U kadipalonguwan a tolay a inatádden ti biyag ay ti Adan.” Pero u kadimodyanan a Adan ay ti Cristo a Ispirito a mángngatád ti biyag.

2 Corinto 13:4

Dipo maski ni mahina siya nikuna ipako siya tu kudus, pero nabiyag siya tu kapangyariyan nu Diyos. Mahinaák be konna ni Cristo tu itod, pero dipo tu pákpagkaessa ko ni Cristo ay mabiyagák nadid tu kapangyariyan nu Diyos tánni mangaral nikam.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

1 Tesalonica 1:9

Dipo hide dán a mismo u nágbaheta tu maganda moy a pángtanggap nikame. Sakay hide dán be u nágbaheta ni kodya moy a inadággen u pagsamba tu diyos-diyosan hide tánni sumunud tu tatahoden sakay biyag a Diyos.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

1 Juan 4:9

Impeta dán nu Diyos u págmahal na nikitam nikuna pinaangay na u kaessa-essa na a Anak ti munduwáy tánni magkahod kitam ti biyag a awan ti kahád tu pamamag-itan na.